专访｜陶大宇太多包袱唔会轻易接剧：同TVB合作唔到系一个遗憾

陶大宇自09年离开无线后，转战内地市场，北漂十年，虽然有工作有收入，但知名度大不如前，由最初的怨天怨地到后来相信“冇作品被淡忘系正常”，谁不知却在去年底以一首《倒转地球》成功转出话题以及多次热搜。两个月之内有近20场的商演及登台骚，爽赚7位数人仔，再旋风式回港出埋贺年歌。这天访问在室外拍摄完毕后，不少女士一见陶大宇即大叫“偶像”，并要求合照，师奶杀手变中女杀手，一切如他所说“而家一镬过拎返晒”。

加你少少钱都冇意思

《倒转地球》一直是陶大宇在内地登台时的“饮歌”，去年底突然被网民发现其水拨式台风以及人歌分离唱法，尽管负评如潮，但陶大宇没有太介意，因为他的原意就是想为大家带来欢乐：“因为社交平台先会令自件事发酵，所以我其实系好多谢网友，好同坏嘅留言自己都有睇，会谂点解佢哋咁话我，但所以嘢对我嚟讲都系力量。”短短两个月，在内地接了20场演商，要不是受疫情影响，收入应该更为丰厚，陶大宇说:“好多人都问我有冇乘机加价，但我要加几多先好？拎多你少少都冇意思，咁不如你畀多啲工作我，其实都系一场数字游戏。今次系一个好好嘅借口去加价，但我又唔会，只要提供到多啲工作畀我已经可以抵返条数，所以我都有良心地冇趁火打劫。”

唱夜场唔觉卑微

近年不少香港艺人北上揾食，陶大宇坦言内地工资的确比香港高，但要成功取得入场券并非易事，而他早在97年第一次离巢后已经部署，至09年正式离开无线后，拿著入场券以及所有的累积奖金，北漂十年。由一线小生变为登台艺人，出入夜场多过片场，他并没有觉得被贬值身价：“打得呢份工，除咗拍戏，就系登台唱歌，如果我去织冷衫就话啫。五虎将以前都成日都星马登台，之不过而家内地市场代替了呢个市场，我完全唔觉得卑微，加上我系艺人，唔系专业歌手，做骚都系带欢乐畀大家。”以“处女座好麻烦”形容自己的陶大宇，坦言如果早在10年前看到自己作品被恶搞一定会十分㷫，但或许是经历过浮沈，加上岁月的增长，如今无论对人对事都不会太执着。

“呢行好奇怪，可以好突然间冇嘢做。过去十年我仍然喺呢行做紧嘢，只不过冇人去报道。呢行好现实，你受欢迎的话，出街都多人揾你影相；你冇作品，被淡忘系正常。我冇新作品，但我仍然运作，直到而家感觉好似系一镬过拎返晒，哈哈！当然系有动摇过、有唔开心过，但好在我系有工作做就开心。就算怨天怨地都好快就过，我可以自夸心态真系几好。”中学毕业后随即加入无线，至今39年，陶大宇笑言转行的话，有如要老人家转用智能手机一样。“曾经有人约我出嚟，介绍一个旅行社老板俾比认识，对方竟然叫我去带团，我真系搲晒头，当下冇黑面，但事后有检讨，自己一定有嘢做得唔好先会令人我系可以去带团。”

唔做小生反而有包袱

陶大宇早年曾两度离巢，由闹翻到赔钱终止合约，关系要几恶劣有几恶劣。但由他早前人在内地特地为《欢乐满东华》拍片筹款，到人在香港直踩电视城做访问，莫非真系没有永远的敌人？。他说：“佢哋人工低系事实，呢个系大家都知，但冇佢哋提供嘅渠道或者机会，你点会发挥长处？呢个系相辅相成，我入行都系我几千一个月，每年做得咁辛苦去renew份约都系加得4百蚊。做人都公道啲，佢真系比好多机会同知名度。其实我哋冇冰封过，一直都有揾我做嘢，只不过缘份未到。系有揾我拍剧……我觉得系自己问题，唔系好啱我做，加上档期问题，所以每次都合作唔到，其实都系一个遗憾。我要重申一次我系拍剧出身，唱歌系揾食工具。唔排除会返去，但我已经唔系小生，要睇角色我钟唔钟意，又要揾人衬到，我太多包袱同顾虑。以前可以揽揽锡锡，但而家唔得，好易会有反效果，唔得就真系唔得。”