余香凝孖同门姊妹拍贺年节目食唔停　梁式昕自爆下厨“惹火”经历

临近过年，余香凝（Jennifer）与同公司的徐颕堃（Erica）、陈颖欣（Yanny）、吴嘉禧（Cheronna）、余洁滢（Zoe）及梁式昕（Catrina）早前拍摄香港开电视的贺年饮食节目，分开与几位城中知名厨师Ricky、Jacky、小仪及Anson炮制多款不同的贺年菜式。

由于今次与多位厨神合作，众人均表示特别留肚前来拍摄，Zoe更笑言今次是来食多过帮手，她笑说︰“Lunch时同Catrina一齐Share一个饭，留肚等食好嘢，有鲍鱼又有龙虾。今次拍摄都有偷师，希望学完煮到，希望新年可以煮到餐好畀屋企人食。”Erica则说︰“新年我都会试下煮佢哋嘅菜式畀屋企人，记得中学时期学煮饭，第一次整蜜糖鸡翼，哥哥同阿姨做白老鼠，阿姨食到个嘴冇停过笑，系一个好好嘅鼓励。”

首次拍摄饮食节目的Catrina则表示以往在外国读书时，试过与同学上网自学整贺年糕点，不过味道就认真一般，她更自爆︰“外国读书时刚搬屋，有一晚煮嘢食时，忘记摆咗只木叉喺炉头上烧着咗，整响火警钟，成栋楼嘅新邻居为咗我要走火警。”

已为人母的Jennifer同样下厨时非常“惹火”，自言有“强迫症”的她因一纸巾吓到心慌慌，她笑说︰“我有少少强迫症，如果污糟咗就要即刻抹，试过开住个炉，炉头附近有少少污糟咗，我拎纸巾去抹，点知烧着咗张纸巾，当时真系好惊。自此之后，都会提醒自己要煮好先去抹。”不过她对自已厨艺有信心，她说︰“算系钟意下厨，之前煮中式，试过一次煮九个𩠌，因为屋企都比较多人。老公钟意我煲汤同煮鸡翼，佢赞我整鸡翼好好食，囡囡大个啲可以食更多唔同食物时，我都会成日煮嘢畀佢食。”

而Yanny不但向现场4位厨师偷师，还大赞其中一位女厨师小仪，她说︰“我觉得佢好叻，做中厨又身型娇少，仲识抛镬，有自己私房菜，好佩服佢。 ”Cheronna则大赞几位厨师相当搞笑︰“佢哋见Yanny钟意食嘢，就叫佢揾识下厨的另一半。”对此Yanny表示︰“其实呢个系我以前的目标，不过依家有另一半就冇谂，但如果我系单身嘅话，我好想对方煮嘢畀我食，唔系得我煮畀佢食。”