MC张天赋与Ash及Santis传绯闻　心情未受太大影响：唔系好大嘅事

MC张天赋、洪嘉豪（Kaho）、陈蕾及张蔓姿等艺人今日（26日）出席NFT发布会，MC先后被影到与MV女主角钟卓颖（Ash）和陈濬桦（Santis）逛超市而传出绯闻，他接受《香港01》访问时指心情未有受到太大影响：“唔系一件咩太大嘅事，作为艺人新闻一定会有，何况只系两个人喺超级市场一张相，我觉得唔会对我太大影响。”他续指跟Ash和Santis没有联络，公司亦认为最好保持距离，不过与她们仍然是朋友。

李璨琛女儿李元元（Lucy）最近变成MC粉丝并在家高唱他的歌曲，MC表示有看到她的影片：“我睇到都冧咗，睇公司安排。（Kaho：有嘢揾佢拍？出儿歌都好）都好，因为我叫三岁，其实Lucy系家姐。”Kaho笑言自己的作品就如儿歌一样：“啱所有人听，三岁到八十岁都啱听，小朋友又啱唱。同埋儿歌好永恒，希望做啲好永恒嘅歌，咁就儿歌。”

Kaho亦将于今晚（27日）12时推出新歌《及时行乐》：“首歌12月已经做咗，但佢系一首过期嘅圣诞歌。歌名系《及时行乐》，就系话畀你听，你冇及时行乐就会miss咗，所以过咗期先出呢首歌就啱晒。重点系呢只歌准备出碟，只碟如无意外应该三月到会出，不过疫情就真系未知。”MC亦透露今年将会推出多首作品：“暂时做紧两首歌，同以往曲风大有不同，大家就期待下。”

MC和Kaho与MV女主角有亲密接触时，粉丝难免会有小醋意，问到会否找对方拍MV时，MC搭着Kaho膊头说：“可能之后同公司商量下，洪嘉豪可唔可以做我下一任男主角。（Kaho：男主角又好，女主角都得。）我哋一齐行下超级市场。”Kaho随即回应：“其实不嬲都应该同我行。（MC：𠮶日有揾过你，不过你唔得闲。）”

另外，MC成为广告商新宠儿，他说广告方面足够，Kaho搞笑指：“我哋心中富有，穷小子不嬲都心中富有。”MC点头表示认同：“好多谢佢哋有信心交个品牌畀我为佢哋宣传。（如果有超级市场揾你代言？）无任欢迎，呢个新闻真系令好多唔识我嘅人都识我，可能对某啲歌都有帮助，有啲二次元创作，令更加多人去听原曲。当然一定有唔好嘅嘢，我觉得好嘅嘢多啲，唔介意，如果有超级市场嘅代言，净低嘅就交畀公司倾。”

同场加映

25岁MC张天赋成广告商新宠儿　三个月冇停手劲接30个广告！