东张西望｜女苦主付过万按摩丰胸　皮下组织受损：半cup都冇升过

撰文： 邝钰莹
出版：更新：
区小姐丰胸失胸，仲搞到受伤收场。（影片截图）

无论减肥抑或丰胸，都系唔少女士嘅毕生目标。昨晚(26日）播出嘅《东张西望》，事主区小姐喺IG见到按摩丰胸广告，并声称可以一小时连升几cup，于是到美容院接受价值432元嘅疗程。“按摩过程我系不停标眼水，系非常痛。佢话痛系正常 ，我做完整个疗程半cup都冇升过。”升cup失败都算，区小姐最后仲被服说以10,320元买下15次丰胸疗程。“职员话我单次唔包做机，只得人手按摩。”

区小姐话系因为想圣诞节著靓衫，于是接受丰胸按摩。（影片截图）

由于按摩完之后，仍然感到胸部痛楚，区小姐于是去睇医生：“我胸部有明显瘀伤，检查时我胸骨、胸口好痛，医生诊断话我皮下组织受损，可能疗程师按得太大力，皮下受损。”区小姐之后向美容院投诉并要求退款，但不得要领，又指诊纸所写嘅系一个病征。之后《东张》主持人陪同区小姐到美容院了解事件，对方一开始表示“唔知发生咩事”、“负责人当然唔会返公司”，到最后要求以WhatsApp提出投诉，但《东张》等咗足足两个星期，美容院方面都系已读不回。

呢个就系区小姐喺IG见到嘅广告。（影片截图）

到底按摩是否能够丰胸，节目访问了江正本医生，佢就话：“按摩会令血管扩张，继面造成短暂水肿，呢个假象系会令乳房变大同结实咗。”

医生认为按摩同丰胸冇直接关联。