李佳芯临时缺席活动 陈恩德爆无线提无理要求：唔畀合照同接近我

“虫草大王”陈恩德（Mark）今日（26日）于尖沙咀酒店举行旗下集团的宠物NFT发布会，原定李佳芯（Ali）获邀出席，不过最终却没有现身。Mark接受访问时承认有邀请Ali，不过因对方公司提出不合理甚至不尊重的要求，令Mark最终决定不需要Ali出席：“去到最Last minute，佢经理人同我公司PR联络，话出席活动过程，Ali唔能够同陈先生单独影相，即使上台都唔能够接近陈生，访问都唔能够同陈生做，由入嚟嘅合照全部都要取消，其实佢嚟同唔嚟都冇分别。系咁唔合理同咁唔尊重的情况下，我唯有取消。”

Mark表示对事件感到不开心，不过明白Ali因合约要跟从公司安排，他说暂时不会与Ali有工作上的合作：“我啲同事会同𠮶边了解，但我唔会参与。”问到与Ali私下的话题是否围绕工作，Mark则表示私人事不愿再回应：“佢系我朋友，佢讲嘅任何嘢我都唔会发表任何言论，我会尊重佢讲嘅任何一句说话。佢系一个好人，脾气直啲啫。”

对于与Ali的合照被公开，Mark称正研究中并再三强调不是他发放：“我只答一次，啲相一定唔系我拎出嚟，我唔会再答，你哋都唔需要问我，我都好遗憾。”Mark续指不担心外界觉得他借事件作宣传：“时间咁贴，真系择日子都择唔到。更加估唔到TVB会出啲咁嘅terms，其实如果唔想，Day 1唔好接呢个job就得，唔需要接咗去到last minute先至改，日子冇可能就得咁准，如果系我就系娱乐大亨，咁我未做到。”

他说会考虑之后避免与TVB艺人合作，亦未会就今次事件控告对方：“都合作咗廿几年，每年仲会喺佢𠮶度落过千万广告，接近两千万嘅客户又有几多个，真系唔明点解对我哋公司态度咁差，可能我真系好虾，我要话畀佢知我唔好虾。”至于有“翻版Ali”之称的蔡洁临时获邀出席活动，Mark则指邀请她与对方的称号无关。