TVB厨后三姐萧秀香宣布续约　公司主动加人工：几廿岁都仲要我

TVB厨后三姐（萧秀香）靠做饭盒起家，近年凭烹饪节目《流行都市》、《女人必学100道菜》和《教煮争霸》成功入屋，深受观众欢迎。新年新气象，三姐向《香港01》透露与TVB续约，更笑称：“几廿岁都仲要我，公司算系咁，仲要追我签。”

由于与三姐合作开的监制张志明在去年9月宣布辞职，三姐难免有所担忧：“当时都会乱谂嘢，始终有个熟人走咗，会谂日后点算呢？好彩一切如常，公司提早同我续约，一星期至少一个骚，《流行都市》都会继续做而且材料钱都加咗，我冇提出过。（条件都好满意？）满意，始终我呢个年纪都唔系要钱，主要系想做自己钟意做嘅嘢。”至于问到续约前有否考虑过档，三姐称：“一嚟冇人揾我过档，二嚟我都冇谂过过档，我同TVB好有渊源，由佢起紧，啲地盘工人已经订我饭盒，加上咁多年宾主关系，都好有感情。”

点击睇三姐家居曝光装修朴实简约：

人气急升的三姐近年更成为广告商宠儿：“多次大家厚爱，上年金记、天上野同李锦记都有揾我代言，嚟紧都仲有一个未出街唔讲得住，虽然钱唔系多，但证明有人欣赏我，都系一种荣耀。”三姐更透露公司已为她筹备新节目：“今次唔系同鼎爷（李家鼎），仲开紧会，但都系自己想做，比较贴地、家庭式啲，我都想再做好啲个节目，希望自己开心嘅形象再入屋啲，始终疫情大家都好闷，希望带到少少欢乐俾大家。”