何婉盈情路曲折望有伴到老　“但如果个女唔祝福我系唔会做”

选美出身嘅何婉盈，早年淡出幕前后，在马会任职公关，期间嫁给商人，但婚姻只维持一年半，离婚后和男友未婚怀孕，结果又分手。作为单亲妈妈嘅何婉盈，为生活，曾经试过日间做证券公司上班，夜间去马会工作，如果时间许可，更会北上登台，几乎一星期七日都在工作。

挨过人生最辛苦嘅十年，何婉盈近日接受港台节目《安哥同学会》访问时透露，终于挨到有瓦遮头：“十前年好悲伤，十年后转工好拚搏，生活安定啲。（主持︰你有钱女嚟嘛。）唔系，只不过我终于可以喺40岁松啲买到人生第一层楼，起码有瓦遮头，因为之前一直都系租楼，而家人生都安定啲，同埋以做自己喜欢嘅事。”

单身多年，何婉盈在节目中提到希望可以揾到一个能够伴随自己到老嘅人。“因为我个女系单亲长大，所以佢嘅世界就系我，我嘅世界就系佢，佢系完全唔钟意有人喺我旁边，他日如果我揾到人结婚，如果冇佢祝福我系唔会做。”何婉盈对女儿之如此重视，全因父母在她9岁时离婚，令她当了多年的“夹心人”，她说：“爸爸对妈妈唔好，所以妈妈曾经希望我但喺佢𠮶边，但我选择咗中立，因为爸爸真系好锡我。呢样嘢系影响我好深远，甚至直到十几年前爸爸过生，因为联络唔到，妈妈先可以放低。所以到我做妈妈之后，我都希望尽量可以个女系开心成长。”