阿仙奴被拜仁大炒未离弃　20年死忠方力申：觉得唔够霸气 !

欧联赛事重开，球迷们又要挨夜睇波，见到支持的球会嬴波当然开心兼好精神，但如果是阿仙奴球迷，昨晚就真系输到训唔着！事关在16强首回合，他们作客输给拜仁慕尼黑1：5，基本上同出局没分别，事后Arsenal TV访问了一位有到现场睇波的外国阿记忠粉，该位球迷粗口横飞批评球队，仲叫领队云加快点辞职（当然是以最粗俗的方式表达）。该片段在香港网民配上广东话字幕后被疯传，不少阿记球迷均觉得被他说出心底话。

演艺界方面，就连支持了阿记近20年的方力申都看过此片，今日他出席活动时亦透露了自己输波感受，简直灰到一个点，他说：“我当晚有起身睇，𠮶位球迷条片都好多人畀我，唉…….咁当你输输吓，就会输到习惯咗，对佢（阿仙奴）冇太大期望，自己觉得阿仙奴唔够霸气，唔够斗志，往往喺对佢有期望嘅时候，就唔发挥，对佢冇期望嘅时候先至嚟发挥，冇大赛争气嘅表现。冇办法，你钟意一队波已经变成一种习惯，我无论点都会继续支持。”

大家完全感到小方系输到有点麻木，不过小方对阿记都有不少意见，但仍支持领队云加续任，他说：“我自己做咗咁多年球迷，就算对佢（云加）唔满意都好，都唔可以抹杀佢为球队嘅付出，永远就系咁，如果系一队Winning team当然大家就好太平，但你见今年嘅李斯特城都知啦……（云加驶唔驶炒？）我真系唔知㖞，有球迷话应该升佢职，升到佢最高级位置，再请另一位领队，可能会唔同，但变化系咪一定好呢？我就唔系要一定换领队嘅球迷啰。（奥斯尔、山齐士都经常话走㖞？）畀钱咪唔走啰，呢啲嘢要改，我觉得阿仙奴其实又赚紧钱，咁𠮶时势都系要畀钱先留到运动员，你又唔系争到标就梗系为钱㗎啦，留住人才梗系要畀钱啦，阿记不嬲都孤寒㗎，成日话唔买人，跟住又话边个复出就系最好嘅收购，但买人系一种士气嘅提升，等球迷觉得球队系进取啰。（阿记几时再攞冠军？）我觉得一直都有机会，呢两三年应该有机会，（年年第四有咩感觉？）……都唔系嘅，上年都好似第三啦，冇㗎喇，忠实球迷就系忠实球迷啰。”方力申真是高质忠粉，就算球队几水深火热，依然不理不弃，亦不会大吵大闹，做球迷真是要向他学习这种心胸。