爆谷一周︱Edan自爆钟意食粉丝 竟然关《阖家辣》另一位演员事？
撰文： 陈栢宇
出版：更新：
谷德昭主持的ViuTV节目《爆谷一周》昨晚（22/1）八点半正式首播，首集便请来吴君如、MIRROR成员Edan（吕爵安）和新晋导演郑晋轩三位贺岁片《阖家辣》台前幕后担任嘉宾。除了街访时有影迷误将《阖家辣》讲成“冚家辣”之外，今集有还有不少内容非常爆笑，原来Edan电影中要“牺牲色相”，与异性对手有鸳鸯浴的场面，Edan更讲到耳仔红晒：“我有着裤嘅！坦白讲，有啲尴尬同紧张，始终第一次。”他又透露戏中与对方“一齐好耐”，所以对手疑似是戏中女友袁澧林。
之后，谷德昭又指Edan的对白“粉丝好食”劲自然超爆笑，令Edan非常讶异：“冇谂过佢（导演）会剪落去！”他又透露上述对白不是他临时爆肚，而是一众演员“撞出来”：“粉丝系好食，我都好钟意食粉丝！”
吴君如闻言后立即补充：“好笑嘅，因为我哋戏里面有个演员系食斋，我哋成日大鱼大肉，我成日‘万岁’，佢啲Fans又成日攞嘢食嚟，但𠮶位演员就偏偏成日叫人买粉丝食，我每日见到佢都系食米粉同粉丝，我话‘你又食粉丝’，佢话‘粉丝好食呀’，跟住佢突然间讲‘死喇，讲漏咗嘴，咁敏感，唔讲喇’。”之后她摄高枕头谂了一晚，觉得这句非常好笑，所以决定加入电影中。
咦？饰演Edan妈妈的梁咏琪是圈中知名素食者，难道他们所讲的是她？
点击下图睇睇他们在节目上点讲：
+14
阖家辣｜吴君如送蛋糕预祝Edan25岁生日 姑妈上身：几时请饮？
+14