Frankie入MIRROR前有谂转行　认出道后步伐比队友慢︰都有唔开心

组合MIRROR上年开始爆红，每次有新动向都吸引粉丝关注，当中的颜值担当陈瑞辉（Frankie）接受美国华语节目《偶像名人堂》访问，直言自己以往的性格害羞又被动，要戒掉这种性格。擅长跳舞的Frankie明言知道自己的步伐比起其他MIRROR成员慢，“自己久而久之会有少少唔开心嘅，就系我努力咗可能公司未睇到。”

Frankie在2018年参加《全民造星》，当时也是抱着尝试的心态，“陪朋友”参加，朋友梁业（肥仔）和梁德忠（Tank）也齐齐入围。加上Frankie想突破自己，“因为我未试过对住一个我咁怕嘅镜头咁耐，生活咗差唔多半年左右。”Frankie从小就喜欢跳舞，“冇谂过返office，我出嚟做嘢就系dancer啦！”以前的性格也是害羞内向，但其实是有原因，他表示︰“对cam方面嘅怕丑系因为我以前做开backup dancer，做开backup dancer就唔会期望有cam影到我哋㗎嘛，最好有啲咩错唔好畀排舞师见到𠻹！久而久之就变咗个气场系，唔好望我唔好望我，但系畀返呢啲comment我，我自己系知道要改变嘅，同埋作为一个幕前应该系钟意畀人见到㗎嘛，咁我都好钟意畀人见到嘅，但系就要将我以前嘅感觉戒甩咗佢先，咁就可以做返自己。”

01娱乐明星相簿，即CLICK免费下载MIRROR、After Class高清靓相，绝对珍藏！

MIRROR的某些成员人气较高，而且也有solo歌等，主持问到去年《调教你MIRROR》节目入面，听完麦子乐的分享有什么感受时，Frankie坦言觉得自己的发展步伐比较慢，“其实我哋MIRROR每个人都有唔同嘅发展，有啲就行得比较快，有啲就比较慢少少，因为我嘅性格嘅问题，我都要去争取多啲嘢嘅时候，我又可能个力度又唔够大，自己久而久之会有少少唔开心嘅，就系我努力咗可能公司未睇到，其实𠮶下都出道咗年几，差唔多两年，觉得自己嘅步伐可能比其他嘅MIRROR成员比较慢少少，自己都有反思，都有唔开心。”但Frankie表示听完麦子乐的分享，觉得跟他比是“蚊比同牛比”，对方付出的努力和等待比他们更多更多。

Frankie性格给人暖男的感觉，而且亦是队中的高颜值代表之一，他笑言︰“其实我真系唔觉得自己系好夸张嘅非常靓仔，呢个真㗎！”讲起入行的定位，Frankie表示出道前想以演戏为发展目标。而他自己也想出首歌，但“仲未过到自己𠮶关住”，因为他对自己要求好高，所以缺乏信心，因为队友陈卓贤（Ian）和柳应廷（Jer）唱得太好，自己就需要多点时间去进步。重提当年入MIRROR的经过，他表示他们本身对监制黄慧君（花姐）好信任，他说︰“就算我𠮶阵系有少少自己嘅计划想做，想转行嘅，我都会真系好认真咁听咗花姐讲嘢先。”花姐当时跟他解释他会是队中的跳舞担当。

入行3年多，Frankie直言入娱乐圈好似过了另一个人生一样，言行举止都要注意。感情方面，Frankie一直不介意公开跟dancer女友Hei的恋情，入行3年，感情好稳固，而他们也拍了10几年拖，相当长情专一。被问到二人的相处之道，他竟然说︰“我同我女朋友拍拖初期，我系嗌交嗌到不得了𠮶啲人嚟㗎，我系想所有嘢都挖晒出嚟讲，我哋乜都挖晒出嚟，咁之后嘅就系生活。”有时大时大节、周年纪念，不庆祝也OK，日常已有很多小确幸，这样的相处方式令他们感情稳固。

点击下图看更多Frankie的靓仔相︰

点撃重温MIRROR在2021年发生的十件重要事情：