勿说是推理︱曾比特撞样爆炸头菅田将晖 “好多朋友Send相畀我”
撰文： 陈栢宇
出版：更新：
日本视帝菅田将晖主演的富士月九剧《勿说是推理》最近成为港人热话，戏中饰演“久能整”的以一头爆炸卷发神还原漫画原著，搞到不少网民直指他与乐坛新人曾比特（Mike）撞晒样，Mike接受访问时便笑指连日来遭到疯狂洗板：“好多朋友Send相畀我，所以冇可能留意唔到！我觉得好正、好有亲切感，我喺香港揾唔到有呢个发型嘅人，竟然可以喺日本揾到！第一眼睇到嘅时候都‘哗’咗一声，估唔到真系几似我个头㖞！”他又称不少人问他为何到了日本发展：“大家好有创造力量同幻想！其实唔少人见到呢个发型就会谂起我，令我觉得我嘅爆炸头已经深入民心，系一件几开心嘅事。”
点击下图睇下两人个样有几似：
+4
提到菅田将晖日前在访问中自爆卷发造型难维持时，“爆炸头始祖”Mike便指自己天生自然卷所以不难打理，但他认为整理发型最紧要有耐性：“我觉得爆炸头唔难Keep，但系你要忍受到呢个过程，因为吹头同洗头都要花好多时间。”
谈到煲剧习惯，曾比特表示自己是动画迷，而且偏好一口气连续追；不过近日Mike要暂时放下爱好，皆因他今日（19日）推出年度首支个人单曲《新年快乐》，更率先公开MV内幕：“2022年第一个MV竟然冇女主角！正确嚟讲女主角喺台湾，因为今次MV分别喺香港同台湾拍摄，所以对我嚟讲都几特别；新歌系我自己钟意嘅慢歌Style，其实同另一首歌有啲似，一听就会觉得同节日有关，大家拭目以待！”