姜涛中三退学感遗憾 常提自己不能自满：我有自知之明唔系咩天才
MIRROR成员姜涛早前以录影形式担任Do姐郑裕玲的电台节目《口水多过浪花》嘉宾，节目于昨日（17日）终于播出，姜涛罕有地剖白自己的内心世界。19岁成为《全民造星》冠军、并在出道短短三年成为受万人喜爱的歌手，只不过对名利兼收的姜涛来说，原来心中仍然有不少遗憾：“冇完整嘅学生时代回忆，我觉得好可惜！”
众所周知姜涛中学时期曾经是一个200磅肥仔，曾因此而受到他人取笑被欺凌，不过他坦言其实自己当时之所以不受欢迎，除了外表，更可能是与自己的性格有关：“我系一个好肥嘅人，但内心深处唔肯承认自己咁肥，当呢种矛盾状态一齐时，就会做到乞人憎，可能大家话我肥，我会话：‘肥乜吖！’我都会攻击番人哋，人哋可能一句玩笑说话，我好认真，呢啲可能导致到外界人愈来愈唔钟意我，我都唔想钟意佢哋，呢种幼稚心态，导致自己𠮶时冇乜认识到朋友。”他笑言以前觉得被欺凌，但回想起就知道原因：“其实谂番自己性格都好有问题，如果唔系自己性格，都唔会受到咁样对待。”
姜涛曾就读邓肇坚维多利亚官立中学，不过只读到中三就转学去青年学院（邱子文）读文凭，外界一直不知道其转校原因，他在Do姐面前直认自己当时人成绩太差被踢出校：“人哋踢嘅，系咪呢，因为我系留班，呢样冇乜好隐瞒，留班之后，又冇乜瘾，唔想喺呢间学校，因为冇乜朋友，𠮶时社工介绍不如去读其他嘢，所以就离开咗，而离开后几后悔，后悔冇珍惜学生时光。”
他坦言如果能够回到学生时期，希望可以努力减肥，而非中学毕业才开始减肥：“希望成熟啲、希望学生时代都靓仔，内心深处唔甘于做肥仔。”姜涛虽然自己不够胆说自己的成长很励志，但希望大家可以学会多与自己沟通：“问吓自己想成为乜嘢人，最可以推动自己只有自己，多啲同自己沟通，诚实面对自己谂法，系咪甘于成为咁样嘅人，希望多啲同自己沟通，所以最终解决都系自己。”
姜涛能够于出道短短时间火速“上神台”，除了工作不断成为广告界宠儿，音乐作品亦受到香港人喜爱，更在多个颁奖典礼上横扫多个大奖，但他时刻提醒自己不能够自满：“因为之后会有更多后生过、靓仔过同跳得好过自己嘅人，希望自己变得成熟。”他又称：“我有自知之明，唔系乜嘢天才，又唔系由细学音乐学到大，冇资格话好，我对自知之明好高，有几多系靠运气，如果话靠自己行过嚟就太自大，有上天同身边人帮忙。”
姜涛表示虽然自己仍然在事业起步阶段，但希望自己可以成为一个能将为人处事的精神带给所有的香港人的艺人，获Do姐大赞思想成熟：“攞得愈嚟愈多，更加要畀嘢人哋，除咗作品，就系精神，之前睇《梅艳芳》，佢（梅姐）以身作则嘅为人处事精神，教香港人好多生活上嘅嘢。作为一个艺人嘅价值，唔系喺呢一行留低乜嘢，而系要离开呢行后留低乜嘢。”