黄心颖马国明传拍拖 心颖bb未肯陪睇《格雷2》：应该难啲！
撰文： 林通贤
出版：更新：
睇戏系情侣拍拖指定动作，今日有报道指，28岁黄心颖和43岁马国明一齐去戏院睇戏，还指黄心颖提前和马明庆祝情人节兼生日，之后还去了日本高级餐厅吃晚饭，相当浪漫，真系明眼人一睇都觉得二人好有发展机会啦。
虽然是否真的拍拖，都预计到黄心颖一定不会正面回答，因为她觉得拍拖是私人事，但她接受《HK01》WhatsApp访问时，字里行间都感到与马明渐入佳境，她说：“其实𠵱家都系朋友，会睇戏食饭嘅朋友，（睇咩戏呀？）我哋睇咗《Split》（《思．裂》），（会不会有日more than friends?）可以继续了解下，多谢大家关心啦，不过感情事始终两个人嘅事，唔会因为人哋点睇而做决定。”
不过一齐睇得戏，应该不只是普通朋友，再问到心颖BB会不会同马明一齐睇最近大热的《格雷的五十道色戒2》时，黄心颖就表示：“哈哈嚟紧工作好忙，应该难啲……（喺咪帮马明提前庆祝生日和情人节？）两样都唔系，纯綷食饭啫！”黄心颖现在和马国明合作拍《深宫计》，剧中二人饰演情侣，真是拍拖都不用去戏院，日日开工在古装街都可以再继续互相了解啦！