Coffee林芊妤被批“要学做妈妈”　正面反击：俾少少同理心啦大佬

早几日Coffee林芊妤于网上求救，指3岁儿子翟伯伯上唇肿爆似足鸭仔：“中咗面目全非拳”。相隔几日翟伯伯上唇已消肿，Coffee出post感谢网友教路，终得知出事原因，但亦有网友留言指责：“你真系要好好学习做妈妈﹗”令Coffee无名火起﹗

点击下图睇睇伯伯个嘴有几肿：

Coffee指多得妈妈级网友提点，才发现问题所在：“佢块面第二日消肿之后，除咗牙齿突然发黑，佢牙肉都肿咗一个圆形，一开始以为𠮶个就系令到佢发炎嘅伤口，佢又已经食紧消炎药谂住由佢好返。真系多得所有私讯我既（嘅）你地（哋），因为之前个医生冇提过系有关牙既（嘅）事，净系话佢食完药就会好返，所以我同老公都唔知系乜嘢嚟，原来佢块面肿咗系因为生牙疮﹗原来唔根治个根源，佢嘅牙疮会不停复发同导致要剥牙﹗发现所有嘢都有关连架，之前牙齿崩咗因为佢有蛀牙，面肿就系因为有蛀牙生牙疮嘅原因。”

多得妈妈级网友帮忙，翟伯伯已渐渐康复，但有网友留言指责Coffee：“你真系要好好学习做妈妈﹗个仔搞到蛀牙，又牙疮你都唔知，又无理佢。”令Coffee不禁回应：“哇…几多阿妈会因为俾人咁样讲搞到抑郁。俾少少同理心啦大佬，第一次做人地（哋）阿妈啫，我唔系唔理系唔识咋奶奶（因为你啲语气真系好似电视剧啲恶毒奶奶咁）其实把口唔好咁衰，你嘅人生会幸福好多架﹗加油。”火药味甚浓。

点击睇Coffee留言及更多靓相：