开电视真人骚《就是青春》招募　余咏珊不怕与《声梦2》打对台

近年本地电视台ViuTV和TVB制作的大型选秀节目发掘不少新人，成功为乐坛注入不少新血。最近，香港开电视亦宣布将与前TVB助理总经理（非戏剧制作）余咏珊的《好好制作》一同制作首个、全新选秀节目《就是青春》，正式公开招募30岁以下具歌唱潜质的年轻人，宣传Post写道：“有明星梦嘅你、你、你同你缔造华丽舞台。无论你系识跳、识唱定rap到两嘴，只要你想喺舞台上发光发亮，我哋都会帮到你！青春，创造无限可能。你 就是青春！”

一向独具慧眼的余咏珊亦成功培养出不少新人，例如炎明熹（Gigi）、姚焯菲（Chantel）、钟柔美（Yumi）、詹天文（Windy）等一众《声梦传奇》学员，又有当年一手由有线带过档的黄翠如、洪永城、陆浩明、陈贝儿等。她接受《香港01》访问时就讲道已准备做一些与过往很不一样的事情：“我哋离开TVB想做一啲新嘢，所以成个做法会同TVB嘅《声梦传奇》好唔同，依家一路仲谂紧个节目点样可以有趣啲，叫《就是青春》就系成个谂法会后生啲，为年青人做一啲嘢。”

对于制作资源相比起TVB较为紧绌的情况下制作，余咏珊表示无有怕：“系冇TVB咁多厂房，但调返转喺创作过程里面有时冇咗一啲你觉得应该要有嘅嘢，反而创作自由啲，对我嚟讲成个团队系兴奋，终于可以做啲完全唔同嘅嘢，Open TV自由度好大，好多新嘅谂法可以喺度试。”

一班“余党”：

余咏珊更表明不怕与《声梦传奇2》打对台：“点样做好啲新嘢反而系我想花力多过谂住点样同人对打，我觉得做好节目自然会有人睇，香港人好清晰，呢行好少冤狱，你啲嘢做得好自然有人睇你。”她又指节目将与《声梦传奇》和《全民造星》分别大：“做法同方向都好唔同，一有参赛者Confirm得7788，就会就住佢哋嚟做同度。”她又指离开TVB后要很清醒：“我觉得TVB有啲嘢已经过时，有啲嘢仲系非常重要，离开咗之后点样将佢嘅好处同坏处，我哋要好清晰打紧咩仗，系自己同自己战争。”她亦承认已有走访不同的学校，发掘一些有潜质的学生。