陈奂仁全力投入推广NFT　日开5个会忙到七彩：冇人工呢回事㗎

随着“元宇宙”的兴起，不少艺人都纷纷加入NFT（非同质化代币）的行列，其中香港最早参与NFT的就陈奂仁（Hanjin）。早在去年4月份他就透过NFT交易平台，将他的歌曲《Nobody Gets Me》制成NFT于网上拍卖，在上架的第5天就以12,000美金（约港币93,600）售出，亦成为了亚洲首个发行NFT数位资产的音乐人，5月份亦发行第二个NFT《The XXXX Is An NFT》以限量77个发售，如果全数售出的话约值193,000 美元（约港币150万）。踏入2022年，原来陈奂仁（Hanjin）又有新搞作！

陈奂仁接受《香港01》访问时，透露自己参加了“数码港加速器支援计划”并成功成为了支援计划的“NFT Accelerator”，即是说，透过这个计划，陈奂仁能帮助公司或者市民发行NFT并在过程中给予相应的支援。

陈奂仁笑说，现在最主要的工作就“开Zoom”：“我而家的确好忙，因为要了解一个project或者公司，需要用好长时间去做一个适当判断。因为而家COVID，所以开会都系用Zoom，所以一日4，5 Zoom（开4，5次都唔出奇）。”

陈奂仁自言为了这个计划投入了不少心力和时间，说：“数码港为咗建设一个好未来都出咗好多力，同埋个精神系团体努力，大家互相帮助。我最关键嘅目标就系帮到𠮶啲suffering（辛苦紧）嘅艺术人，因为我都系，包括音乐，画画、数码艺街，所有做紧web 3.0 同 NFT辛苦紧嘅朋友，可以帮佢哋做得好啲同埋令佢哋收入多啲，生活得OK啲，交到租。如果令大家对web 3.0 有信心，我就可以帮到更加多人。”

问他这份工作是否比做歌手、写歌、拍节目赚钱？他笑言：“其实做NFT Accelerator系冇人工呢回事㗎，其实我个人个动力系嚟自于感受到而家做生意唔简单，不单止做艺术，大家都好辛苦。因为我研究NFT加区块链嘅东西，（对我哋）系一个出路，只要方法啱，佢哋就会揾到一个适合自己嘅方法就会揾到一个有前景嘅出路。我而家就系尽量帮到尽多人愈好。”

有新工作是否代表会暂停音乐事业？他回答：“你真系谂都谂唔到我而家个储藏入面有几多只歌等出街，都系要啱时间，唔一定今日整只歌听日就出㗎嘛，所以我会keep住做音乐。”他解释现在正在寻找一个合适的方法推出音乐作品，说：“我系示范嘅人，所以唔可以急，因为急就会出错。”