新冠肺炎｜邓小巧自爆与未婚夫同确诊　分享病征︰失去嗅觉及味觉

除夕夜宣布接受外籍男友“白先生”求婚的邓小巧，正与未婚夫身处加拿大，1月7日她更新IG，惊爆与未婚夫一同确诊新冠肺炎。

邓小巧撰写长文，指去年4月在加拿大与未婚夫一同确诊新冠肺炎，希望与大家分享第一身经验，透露：“当时有唔少朋友话：唔好俾人知你中过啊。但其实，点解呢？点解要咁恐惧呢？知道多啲唔好咩？首先我先有病征，喉咙有少少痕痒，我就去做检测，一日后医疗单位打俾我，话我确诊。然后问我有冇背痛、发烧、咳嗽等各类症状，然后叫我在家休息隔离10日。冇错，喺加拿大如果你唔系重症例如有呼吸困难、心脏问题等佢哋都系叫你在家隔离。”小巧指自己首7日出现病征包括肌肉痛、全身无力、头重重，以至喉咙痛、流鼻水、失去嗅觉及味觉。

小巧坦言身边有不少亲友染疫：“白先生72岁嘅爸爸，佢嘅经验同我哋差唔多，病征比我哋稍微轻少少。都有一个白先生朋友嘅舅父，有糖尿病感染后死亡，亦有癌症病人朋友，感染后需要较长时间康复。喺加拿大，由于好多人感染，每个人身边总有几个人曾经染病，大部份嘅反应都系松松膊头，然后：哦。病咗几多日啊？然后继续生活、工作。我唔系叫大家掉以轻心，叫大家当Covid 系一个joke（某啲社交限制措施先系一个joke,唔洗我补充），但亦都唔好当Covid 系世界末日。我只系想同大家讲：做足要做嘅措施，其他就交俾个天。足足两年，总不能喺恐慌同担忧中度过。”

邓小巧分享确诊新冠肺炎后第一身经验：