何广沛认拥有成人网站会藉 陈晓华不介意男友睇A片：加佢分！

何广沛和陈晓华今日（3/1）现身荔枝角出席无线剧集《异搜店》宣传造势活动。提到日前亮相自家制“食脑”频道中，被好兄弟方绍聪大爆其拥有成人网站VIP会藉，令他感到非常尴尬。何广沛笑言：“其实确有此事。但我就觉得呢啲系好正常嘅事嚟，而且系真男子会做嘅事。如果我否认嘅话，我就系一名伪君子。不过而家我就取消咗个会藉冇再睇，而美好嘅时光系好短暂，只系用咗半个月，就被人盗用咗个户口。呢头我分享咗俾郭子豪同方绍聪，之后个户口就冇咗，所以我怀疑佢哋两个手脚唔干净，将个密码外泄咗。”

而陈晓华就觉得男性上成人网站睇性AV片属正常事：“其实我都接受到另一伴去睇呢啲片㗎！（会唔会一齐睇？）唔⋯⋯哈哈！其实我真系冇听过可以做会员呢样嘢，所以我就觉得有啲惊喜。如果我男友有做会员，我谂我会加佢分。”何广沛听到加分两字，表现惊讶即刻睁大双眼望住对方。陈晓华即时说：“咁呢啲正常嘢嚟嘛！（咁会唔会一齐睇？）咁唔会啰。我谂我会拉埋佢一齐睇浪漫嘅嘢多啲。”何广沛笑说：“哦，原来大家喜爱唔同。”