何广沛被踢爆睇AV当场面红　奶仔方绍聪：佢特价join咗VIP

何广沛（Matthew）、郭子豪（Arnold）及方绍聪（奶仔）因合作拍摄TVB剧集《食脑丧B》而成为好兄弟，三人更一起开设YouTube Channel，日前他们进行“默契大考验”，三人要答20条问题，测试他们互相了解的程度，当中有问到Arnold胸肌的尺寸、Matthew的生日等等，不过之后就变成爆料环节，奶仔更踢爆Matthew曾买下成人网站VIP会藉，搞到Matthew即时尴尬到面红红，相当搞笑！

其中一条问题问到Arnold最钟意睇的AV片种，有三个选项，分别是校园、办公室及列车，而奶仔就拣了校园：“我想讲点解我拣A呢？因为Amber（邓卓殷）似学生妹。”Matthew随即讲道：“但其实你明唔明呀？你睇AV呢，你想睇一啲你本身冇嘅嘢。”但想不到奶仔竟然大爆Matthew不为人知的一面：“讲起AV，阿广话佢𠮶阵时喺美国嘅时候，join咗一个好出名嘅网站嘅VIP，但系最嬲嘅系咩呢？𠮶阵时佢都有share畀我嘅，我有谂住睇嘅，点知有一日佢同我讲话唔使睇，佢话（网站）畀人hack咗。佢仲话系𠮶阵时特价先买，其实我想问VIP系咪多啲嘢睇？”而Matthew即时口窒窒，双耳通红，更藐爆奶仔，连在旁的Arnold都笑言：“我冇乜见过佢呢个样。”场面相当搞笑！

点击下图睇搞笑场面：

三兄弟互相大爆料，可见感情甚佳，之后他们亦有表现感性的一面，Arnold同奶仔自言觉得拖累了Matthew的事业，Arnold讲道：“好明显广沛系好Focus喺drama发展，我某程度上作为佢兄弟系似识咗我同奶仔之后，多咗variety，我系有少少感觉会唔会系搞弯咗佢？令到佢少咗drama嘅机会呢？”而奶仔亦有同感：“我喺戏剧组属于一个好极端嘅人，有时好惊广沛畀人觉得佢同奶仔friend咗，会唔会令佢减少机会呢？讲真我自己真系会有啲担心。我唔觉得你会咁谂，只不过我唔希望有任何一个可能性影响你嘅事业。”

不过Matthew最后就讲出心底话，感激两位兄弟：“好难得系有两位兄弟肯同你喺呢个道路上一齐打拼，唔容易，相处好同住难，搞呢坛嘢一定会有磨擦、争拗，但系好彩我哋个心系一致嘅，一齐向目标进发，所以大家就算点闹都好，其实都系为件事好，我觉得应该系要多谢佢哋两个，大家都一齐为件事。”现年33岁的Matthew一直以来机会多多，近年还担正做剧集男主角，而今年更与郑裕玲（Do姐）同王菀之（Ivana）一起主持节目《男神厨房》，备受肯定！