王浩信拍《溏心风暴3》预被米雪狂掴：一定要破21巴纪录！

唐文龙离开无线十年，今次返娘家，就系拍《溏心风暴3》。久未出现在TVB，他笑言在电视城荡失路，“连Canteen都唔记得喺边，要人带。”事隔十年回去拍剧，想必酬劳都好唔错？唐文龙表示：“咁当然倾得啱，先会返嚟啦。不过当然好开心见返旧同事啦，大家头先相处好开心。”至于返到TVB会否再拍多几套？唐文龙就话：“睇下点先啰，到时再算。（人仔同港纸一齐赚？）咁人仔一定要赚㗎啦，再谂啰。”

今次再拍剧，唐文龙坦言有向监制提出特别要求，但未有明言有何要求：“始终我系饮呢度嘅奶大，今次难得有机会再合作，倾嘅过程中，只要都冇太大影响，其实彼此都好易话为嘅。”回到娘家，未有著落的唐文龙笑言：“返嚟就系揾女朋友啰。”至于点揾，唐文龙就话睇缘份。

另一边厢，新加盟《溏心》系列的王浩信就话自己好chur，因为拍完《踩过界》，马上就要拍《溏心3》，不过他直言有夏雨及李司棋做阿爸阿妈，觉得好荣幸，仲话：“知道佢哋系咁爆金句，真系好期待。”

而《溏心3》又系勾心斗角，闹交戏多，王浩信又担唔担今次又被人怒掴？他说：“暂时睇剧本又冇呢个需要住，但如果有我又唔担心。”万一真系有，王浩信就估最大机会被米雪姐掴：“之前都畀心姐（谢雪心）佢哋掴，如果畀米雪姐掴都开心嘅，我嘅集邮方式都比较特别。（想唔想破埋21巴纪录？）一定要破埋纪录！”