梅艳芳豪爽又细心　胡渭康爆梅姐不为人知另一面：只有佢做得到！

12月30日是梅艳芳逝世纪念日，电影公司为答谢香港人支持，特别在12月30日包起全线超过130班次电车，全日请广大市民免费乘坐，作为《梅艳芳》送给香港人的一份礼物。近日华星时期身为梅姐师弟的胡渭康和莫镇贤，在电台节目分享梅姐豪爽又令人暖心的事迹。

当年与梅姐一同参加第一届新秀入行的胡渭康，赛后成为好友不时相约，胡渭康指自己当年只得15岁，虽然梅姐只年长3岁但相当懂得照顾他人感受：“我入行时仲系读紧书嘅15岁𡃁仔，以前要出席好多活动，𠮶个年代又唔兴有咩赞助或者借衫，平平贵贵都要自己置装。阿梅就好聪明，用一个好令你舒服方法，‘喂，同我去街，我哋去睇嘢’，跟住其实系同佢睇嘢，佢顺便买埋嘢畀你。又例如我哋几个约食饭，预咗可能系‘AA制’，阿梅会事前‘塞’定钱畀我，等人哋以为系我喺自己银包攞钱出嚟。佢好识做呢啲人情世故，佢只系比我大3年，但从小喺社会打滚，呢啲好微细又好照顾人嘅嘢又好大体，就系只有佢做得到。”

与梅姐私交多年，胡渭康分享她不为人知的另一面：“大家以为佢系一个好强悍女性，样样事情都揹得起，阿梅有个最大、最大弱点，佢一拍拖就出事，出事系佢即刻变咗只小鸟，完全系一个少女出番嚟，所以爱情可以话系佢嘅死穴，每一段爱情都会全心全意去投入，有时一齐去玩时，突然听到佢声量低咗9倍，但唔知点解key就高咗8度，讲两句就嘻嘻，𠮶时就知佢拍拖。”