洪永城饼印B女出世 老婆梁诺妍阵痛14个钟过程劲惊险惨食全餐

撰文: 张嘉敏
出版:更新:

洪永城 (Tony) 与老婆梁诺妍于今年7月11日奉子成婚,双喜临门,今日两人的爱情结晶品终于出世喇。Tony于IG报喜,代囡囡跟大家说:“大家好,我叫Amber,系人马女,重6.2磅,想同大家打个招呼,我在荃湾港安出世,我一出世,姐姐同叔叔就话‘哗,好似爸爸呀!’跟住我望望爸爸妈妈,我有唔开心,因为我想似妈妈多少少,妈妈好靓。我知道妈妈痛了十四小时,催生了两次,都开唔到宫颈,但系佢坚持到最后一刻,我听到佢每2分钟就痛一次,我仲听到爸爸话只手就断,妈妈好伟大。多谢张智医生哥哥、Ruby 姐姐同呢度所有的护士姐姐, 你哋好有爱,好照顾我,我会快高长大、孝顺同好乖,会照顾妈妈,带欢乐畀大家....哈哈,至于爸爸,我好肚饿,可唔可以快去揾奶粉钱呀。”

洪永城梁诺妍于去年7月结婚。(叶志明摄)

太太梁诺妍表示:“Welcome to the world♥️ Baby Amber aka 洪宝宝 aka 饼印Tony 出生了👶🏻 妈妈会好好照顾你,我会系你最强嘅后盾,辛苦晒张智医生同所有护士姐姐!最重要多谢洪生(只手😂)的陪伴,每当我作动时痛到又晕又想呕真系差啲扭断佢只手,辛苦你了😂!分享一下生产过程先,由于催生药帮助唔到我开宫颈,痛咗十几个钟迫到羊水都穿埋,宫颈都唔肯开,医生话避免宝宝危险就要开刀,最后母女平安宝宝很健康,宝宝出生后就即刻喊,连我跟住大喊咗出嚟,见到洪宝宝平安地出生,甚么痛楚都唔紧要了,一切都很值得,谢谢上天给我们一位小天使,期待我们一家相处的日子!”

Tony回复记者表示:“B女出咗世喇!母女平安,放心我会好好照顾佢,令佢成为一个健康、快乐同开心嘅小朋友,佢系一个福星,带咗好多快乐畀我哋,可以同我哋过冬至、圣诞节、新年同农历新年,佢出世系Perfect Timing。”

+26