吴嘉禧㓥鱼冻到震　茶记打工学整鱼蛋洗埋碗

吴嘉禧（Cheronna）早前拍摄Viutv 节目《唔试唔知份工好》，近日播出她去打工的部份。节目中，Cheronna 到一间茶餐厅做“打杂王”，由楼面、收银、洗碗等等样样做齐，不过讲到最难忘，莫过于做于茶餐厅内做“鱼蛋妹”㓥鱼整鱼蛋。

Cheronna表示：“因为茶餐厅系自家制鱼蛋，所以我被安排到工场学整鱼蛋，我冇谂过整鱼蛋系咁冻整，只手冻到痛，整鱼蛋真系好花功夫。”自言怕冻的Cheronna虽然工作时因手冻到痛而大呻辛苦，不过她直言今次整鱼蛋是很好的工作体验：“无论我去工场㓥鱼，点样将鱼骨同肉分离，点样整鱼酱同鱼蛋， 再到楼面落单收钱等等，所有事都非常难忘，系一种好难得嘅体验。”

提到今次要密密㓥鱼，向来无㓥鱼经验的Cheronna直言：“今次还可以，我觉得杀生要自己亲手去做系好惊，今次啲鱼唔系经我手去拍晕同放血，冇血淋淋画面，，所以自己都接受到。”她更笑指㓥鱼新技能解锁：“好难得学到㓥鱼系嘅经验，以后可以去街市买条鱼返去自己㓥。”

至于今次于茶餐厅打工，Cheronna坦言最爱的工作是入厨房洗碗，她笑说：“整鱼蛋系好新鲜事，但最钟意反而系洗碗，因为洗嘢时其实好自愈，脑可以放松，平时自己都钟意洗嘢，而且我觉得自己洗碗都有天份，好满意自己喺洗碗呢个岗位嘅表现。”此外，提到茶餐厅老板王老太，Cheronna感谢对方畀机会她尝试，她又对王老太坚持三十年去喂流浪猫狗，她说︰“跟佢搭船去喂流浪猫狗，呢个地方搭船先去到，见佢每日都做呢样嘢，好佩服佢，自己都希望可以出一分力，佢真系好无私好有爱zb1都代浪浪感谢老板娘咁去送食物俾佢地，俾佢地有继续生存落去嘅机会。”