孖练美娟数最讨厌男人嘅行为　连诗雅︰使女人钱呢个思维唔够上进

由杨诗敏（虾头）和连诗雅（Shiga）主持网台ChillGOOD TV的节目《丝打围炉》最新一集请来说话出名直率大胆的练美娟（娟姐）一同齐讲最讨厌男性的十种行为（数臭男人十宗罪），当中讨论过的有“出尔反尔冇诚信”、“唔交功课（冇性生活）”、“长期失踪人口”等等，她们的讨论有不少爆点！

一抽到“有一个冇血缘关系嘅妹妹”，虾头立即劲火爆，觉得有契妹一定要上榜，娟姐表示︰“我成日觉得啲契妹，系你追唔到，你系要同佢有啲关系，你就契佢做妹，我系咁觉得，无啦啦好人好姐做咩要契个妹？”她曾经有个男友，有好几个契妹，“一句讲晒就系契妹，好似一个唔知咩理由，契妹就系一个理由。”当娟姐问一句︰“你哋有冇做过人契妹？”却即时“静过太空”，她大呼︰“做咩静咗嘅？我系咪问错问题啊？”埸面搞笑。虾头和娟姐即时审问Shiga，Shiga回应︰“唔系，我冇做过人契妹，但系相信成个娱乐圈都知道我当周柏豪系哥哥，但系又唔会系（契哥契妹）𠮶种，或者会话系Bro啰，佢系我Bro咁啰！”

之后抽到“乱使钱”，虾头说︰“我系好纵容啲仔使我啲钱。”Shiga听到后惊讶的说︰“即系你会畀零用钱佢？”虾头爆笑说︰“咩零用钱啊？即系意思系我唔介意我出钱啰啲嘢。（Shiga︰你会唔会畀钱佢使？）如果佢冇钱，我系会畀钱男人使嘅女人嚟。”另外两位女士就表示接受不了，娟姐说︰“我觉得AA制还好，AA制已经一般，如果要用埋我啲钱，我一定唔OK！”但虾头语重心长的说︰“但我想讲畀你哋知，唔好学我！我咁样系唔OK。”Shiga觉得︰“𠮶个思维唔得，个思维觉得自己可以使女人钱，我觉得呢个思维唔够上进。”她又说︰“我又唔一定系要男人养，但我觉得至少佢唔可以要个女人养，我宁愿大家一齐付出，即系如果你可以养到我就开心啦，bonus啰，唔得嘅话，我好爱你，（娟姐︰一人一半都OK。）系啦！”

之后另一个毫无悬念放上榜的，就是“长期失踪人口”，虾头和娟姐都表示试过有男友大时大节都失了踪，娟姐说︰“我试过，跟住发现佢有另一个女朋友。”她续说︰“我𠮶时发现，佢同我拍拖，拍咗拖半年，我都觉得好奇怪，每逢红日，佢都系有嘢做，但佢份工，你当系保险咁啦，但其实冇可能红日（要返）……（Shiga︰咁去到第几个红日你先至发现呢？）其实之前一直相安无事，我都冇乜嘢，我谂女人嘅直觉系好准嘅，直到你feel到唔对路㖞，一次又咁，两次又咁，三次又咁，过咗半年之后，每一次红日你都唔得闲？之后我就开始check，一check，原来佢每逢红日都系同咗另一个女仔过，而𠮶个女仔就系佢女朋友，跟住我系第三者。”当时她以为自己是正印，直接找对方叫她不要找她男友，但最后发现原来自己才是第三者，他们已经一起4年。

娟姐也觉得这段经历“真心癫”，“呢件事之后，我就对爱情好谨慎。”她直认因此到现在也有阴影，没有拍拖。娟姐后来又自爆曾借钱给同一个男友，借了5位数字，“分手之后，我要追返嚿钱，真系追九条街先追到。”虾头说：“条仔真系好乞人憎嘅渣男啦，佢瞒住你有个拍拖4年嘅女朋友，仲要问你借钱，根本就系骗财骗色！”

而三位女士亦有讨论过“唔交功课（冇性生活）”的行为，Shiga大爆有一个朋友的朋友的故事，她说︰“佢系宁愿自己解决也不跟女朋友……（娟姐︰有冇原因？）佢每一次拍拖耐咗，就会系咁。我觉得佢可能觉得咁样快靓正，你唔可以净系交功课嘛，你要花少少时间、心思，佢可能自己一分钟、几分钟咁样。”不过最后她们也没有放上榜。另一个她们讨论过的“乞人憎行为”是“做完爱之后将女方放埋一边”，娟姐直呼︰“咁边个女人OK啊？”Shiga说︰“或者系唔系真系爱嘅关系？（虾头︰SP（性伴侣）？）”不过众人也没有将它放上榜，Shiga表示︰“未去到死罪。”

点击下图睇Shiga同娟姐嘅靓相︰