钟丽缇大女预告往娱乐圈发展：同妈妈合作一定会好有趣

钟丽缇女儿张敏钧（Yasmine）早前在温哥华华裔小姐竞选当中，成三料亚军，近日她接受TVB越洋访问时，表示今次选美对佢嚟讲系一个好有趣嘅经验，而自己亦都未谂过会获得三个奖。“我谂我最想得到嘅系才智出众奖，好开心得到呢个奖。”

Yasmine由于未能夺冠而借此来港参加国际中华小姐，但读电影系嘅佢对娱乐圈甚感兴趣。“我会继续留喺呢个圈，尤其系演戏方面，虽然呢行都几唔稳定，唔知自己会遇上咩机会，但选美过后令我更确定、同埋想喺音乐上投放更多时间，希望有一日可以推出自己嘅歌曲。”问到想唔想同妈妈合作拍戏，Yasmine表示从未谂过，但认为呢个提议都唔错，仲话“同妈妈合作一定会好有趣。”睇嚟大家好快会喺幕前见到呢位星二代。