Yanny不慎爆响口Jessica陀B女即时泪洒当场：头先我做咗猪队友

女子组合Super Girls成员之一蔡明思（Jessica）19年下嫁台湾老公陈冠廷（Steven）做幸福少奶奶。婚后她一直对生B抱顺其自然态度，婚后2年终于传来喜讯，宣布怀孕超过3个月。今日（13/12）Jessica和另一成员Yanny(陈颖欣）现身太古城出席活动。二人一齐受访期间，Yanny不慎爆响口Jessica身陀B女，即时深感愧疚令心泪洒当场，要由Jessica加以安慰。

Jessica表示：“其实而家个肚5个月大，头三个月真系好辛苦，经常性想呕，而且又会有好多胃酸上喉，变咗令日晚上7点我就会上床瞓觉，搞到我老公冇啖好食，因为我冇时间煮畀佢食，而且我嘅口味都变埋，要食一啲好重口味嘅嘢，搞到佢忍唔住都要叹咗一吓长气声。”

对于爆响Jessica陀B女，Yanny表示：“头先我做咗猪队友。头先我哋出去之前仲好安全咁，仲夹吓一阵出去有咩唔讲得，而Jessica就话唔想公开性别住，当时我就话Ok冇问题。点知我真系好唔小心咁讲咗出嚟，真系好在佢冇嬲我。”而Jessica表示：“我觉得真系好好笑，因为前一秒先提醒佢，然之后下一秒就犯咗咁嘅错，我真系觉得好好笑，不过我就冇嬲，因为都系开心事。”