胡鸿钧望圣诞节与蔡思贝渡过　唔使送礼物：我哋冇咁物质主义

胡鸿钧（Hubert）今天（8日）出席《劲歌金曲》的录影，Hubert表示难得可以与吴业坤和吴若希（Jinny）同台合唱，坦言很期待：“我哋三个好耐冇同台，我真系好紧张，惊影响佢哋发挥。Jinny啱仲话好轻松，师姐真系师姐。三个嘈就系基本，不过留返系访问先嘈，我哋唱歌都好认真唱。”

Hubert早前个人演唱会完结，当时操得六嚿腹肌，他笑言六嚿腹肌现时还健在：“我有Keep住做运动，但就冇之前咁大运动量，饮食都冇咁清，但唔知系我肠胃太健康定点，每日都好畅通，一日有两次咁。”

提到圣诞节，Hubert表示会与一众朋友渡过，而绯闻女友蔡思贝，他说：“思贝嚟讲我就知佢最近好忙，忙拍剧，我哋呢班姊妹睇下有冇机会聚埋一齐玩下啰。呢段时间大家都各有各忙，我都少同朋友见面，想同身边朋友聚下。（买礼物畀佢？）我谂我哋呢个年纪唔兴送，我哋冇咁物质主义。礼物真系唔需要，不过有紧系好。”