陶大宇凭《倒转地球》大翻身　爆红感迷惘：唱得好唔会有今日成就

曾被封为“师奶杀手”的陶大宇近日因为在内地登台献唱《倒转地球》而爆红，他独特的唱腔及“水拨式”台风吸引不少人争相模仿，不但令他人气再度急升，更有网民力推他登上“我最喜爱的男歌手”宝座，风头一时无两！而身处广州的陶大宇，日前就接受TVB娱乐新闻台访问，期间更获不少粉丝要求合照留念，大受欢迎！

对于近期爆红，陶大宇就笑言大感迷惘：“究竟我仲应唔应该呢，将啲歌唱得更加好呢？如果我唱得咁好嘅话呢，我就唔会有今日嘅成就。你究竟钟意我边一瓣先？你究竟钟意我而家呢个版本呀，抑或要一个我将来进步一啲嘅版本先？咁我都会尽返好我自己嘅责任嘅，唔会太过离谱嘅。其实我唱歌呢，唔系咁难听嘅，唔系而家市面上、江湖上咁样嘅，我真系要澄清一下，我都想唱得好少少嘅，唔好令到大家有啲不必要嘅误会啦。”

陶大宇将《倒转地球》唱到街知巷闻，甚至有人误会这首歌是他的首本名曲，忘记了原唱刘德华的版本，而陶大宇就搞笑表示歉意：“首先就华哥仔，真系唔好意思，搞到你首歌咁样，你唔会怪我嘅。咁我觉得喺现场唱歌，个反应系直接嘅，我好想做一个互动嘅感觉，所以我就设计咗一个打招呼咁样唱，点知挥下挥下，姿势打下打下又几过瘾㖞，愈打就愈劲，出现咗呢个效果喇。开头我都唔知系咁搞笑，睇返好多片先知原来真系好搞笑，又真系几似𠮶个水拨嘅，开心就得啦，最紧要开心。”

点击下图重温陶大宇演出：

陶大宇透露最近工作量大增，商演活动接不停：“其实我上咗嚟内地都有一段好长嘅时间，我都好挂住屋企，我都好想返去，但系暂时唔可以返住，我都要明年先可以返去，我都好挂住我妈，希望今年过年可以返去同佢食团年饭，同佢倾下偈，因为我阿妈只耳又唔系咁好啦，所以佢见到电视呢，可能都听唔到我讲嘢。希望顺顺利利，做埋我手头上嘅工作，我就可以安心返香港过年。”