爱回家｜梁茵演尽过百角色 被迫离巢不甘心：系咪自己演得唔好
撰文： 吴子生
出版：更新：
现年27岁的梁茵（Kiko）加入TVB已有9年时间，近年凭在《爱·回家之开心速递》饰演“威龙潘金莲”Anita一角成功弹起，备受视迷喜爱。不过有指Kiko因为拒签一份没有底薪，而一年只有一个骚新合约，而被迫离离无线。今日（7/12）梁茵（Kiko)现身尖沙咀出席法国著名品牌“Crisathena”时尚专柜开幕典礼时，就上述事件接受《香港01》访问。
Kiko表示：“其实我走嘅时候系好唔甘心，有时会谂自己系咪演得唔好。又会反问自己点解人哋会有𠮶啲角色演，而自己就要演小三同拜金女𠮶啲角色，成件事系令我好唔开心。而佢哋同我倾续约嘅时候，公司系有同我讲要共渡难关，所以开咗一份有底薪嘅新约畀我，我系完全接受唔到冇底新呢样嘢，因为做我哋呢行系好被动，有底薪先会有保障。”
Kiko续说：“其实当时佢哋开出咁嘅条件时，我系有谂过留唔留低。毕竟我喺呢度都9年时间，而且自己真系好钟意演戏，所以坚持咗咁耐，亦曾演过过百个角色。讲真我有一段时间系好唔开心，亦明白呢行系讲际遇，同天时地理人和，系缺一不可。所以要趁自己仲后生决定去闯一闯。”