黎诺懿陪入产房但坚拒剪脐带 太太李洁莹：佢怕血淋淋！

黎诺懿太太李洁莹今日（6/12）带同儿子“小春鸡”黎峰睿现身将军澳出席《韩冬乐雪游》亲子打卡日活动。提到下两个星期便临盆，心情难免紧张。李洁莹笑言：“其实心情就冇乜嘢，但一谂起要坐月嘅段日子，唔可以周围走，就有啲无奈，就好似要硬接受呢个命运咁。（有指老公无暇陪产！）佢陪到，我谂佢嘅意思系唔想望到血淋淋嘅嘢，但都会陪住喺我身边嘅，如果佢唔陪我，我实唔得㗎。因为佢都有嘢要做，医生会叫佢帮BB数手指同数脚趾𠮶啲。（佢剪唔剪脐带？）佢唔球敢剪，因为怕血淋淋，所以佢选择唔剪彩，哈哈！”