今日（6/12）贝安琪带同4岁大儿子Sebastian（贝小龙）齐齐现身将军澳出席《韩冬乐雪游》亲子打卡日活动。提到有意睇中医养身追B，安琪表示：“其实而家系冇去睇中医嘅。我只系听过人哋提议话可以睇中医去调理下个身体，咁其实只要食得健康，效果都系一样。而我个仔就成日都追问我几时可以生个细佬畀佢，搞到我头到痕埋，哈哈！因为我仔佢好多精力，想揾个细佬可以陪佢玩。其实我已经帮佢报咗好多活动，但都搞佢唔掂，但见到佢我又好开心。”