全民造星IV｜Ivy被指同中学相唔同样　冇谂过del相︰我觉得好cute

ViuTV选秀真人骚《全民造星IV》虽然还在播放中，但一班参赛者就已经吸引到大量粉丝追随，且已陆续接广告。当中的4位参赛者Marf（邱彦筒）、Yoyo（葛绰瑶）、Ivy So（苏雅琳）和Ada仔（姜咏鑫）于周一（6日）一齐出席口罩品牌活动。活动当日，吸引到逾50名粉丝撑场，当以Marf和Ivy的粉丝最有气势，事关他们早有准备好应援手牌和手幅等，相当专业！而Ivy的粉丝后来亦愈来愈多，其中一位粉丝更将Ivy的照片印在衣服上，吸引所有在场人士的目光！4位参赛者中，Marf和Yoyo是第2次出席公开活动，其余2位都是首次出席活动，就已经有如此风头，相当厉害！

谈到粉丝们对4位的支持，Yoyo直言好开心，“因我觉得佢哋嚟支持，唔可以当系‘老奉’，因为佢哋都系专登嚟支持我哋，花啲时间，食lunch嘅时间过嚟，同埋呢个地方（将军澳）都唔系好近。”Ivy亦表示︰“佢哋会知道我第一次出event，佢哋有嘢做，有工返都会特登抽时间过嚟，又整咗好多应援嘅嘢，所以我好多谢佢哋！”Marf就笑言想不到星期一的中午都有粉丝会专程来支持，“好似我自己就算几钟意一个人，我都未必真系专登抽时间整嘢去企喺度等啰。”

本来4位参赛者都是普通人，突然之间变为别人的偶像，Marf就笑言自己“仲未load到”，“但系适应紧，但都希望唔好适应晒！保持住𠮶个好兴奋、好好奇嘅感觉，我觉得咁样会开心啲。”而Yoyo就自爆在街上开始有人认得，“我戴住口罩都有人认得，都好劲！”Ivy说︰“戴住顶渔夫帽，戴住口罩佢哋都认得，超劲！”

自从出镜后，Ivy在IG上的旧相亦被翻出，有网民就表示她跟以前非常不同，甚至指她“完全唔同样”，Ivy听完笑说︰“因为系DSE𠮶阵时，我由中五开始就有去温书，温书要食嘢，所以我𠮶阵时系重到56、7kg，我而家就49、50kg咁样，所以瘦咗好多，啲轮廓都出返嚟，所以that’s why之前都冇人话我靓，但系参加咗呢个比赛之后就开始收到大家嘅一啲赞赏，所以好多谢佢哋，都继续努力减肥！（Yoyo︰同埋佢读书时期都系戴住眼镜，所以都会唔同咗！）”Ivy又说︰“以前唔识打扮，唔钟意打扮。”被问到Ivy为什么不将照片封存，她就大方的说︰“冇谂过，我觉得好cute啊！虽然肥肥哋，而且𠮶阵时好青春啊。”

同场加映︰全民造星IV｜10位沧海遗珠参赛者　医护代表Ash、咖喱被out好唔抵