44岁江芷妮神隐15年终复出　亲爆当年离开TVB原因：感觉好唔踏实

江芷妮（Cherie）今日现身尖沙咀出席香港开电视全新节目《有种老板娘》录影，提到早前与一大班好姊妹聚餐影大合照时，黄𨥈莹手抱著B仔却引起关注，有网民随指她已婚生仔。Cherie笑言：“其实𠮶个系我个仔。搞到𨥈莹真系唔好意思，明白到好多人都好关心佢。（佢系咪好钟意小朋友？）我谂佢都钟意嘅，所以我一得闲就会多啲带自己啲小朋友出去陪佢玩。（会唔会叫佢快啲生番个小朋友？）我会催吓佢。（咁即系佢而家有另一半？）咁呢样嘢我就唔系好清楚喇，因为我哋冇倾呢啲，咁希望多啲聚会，带小朋友畀佢玩亦一样。”

被问及当年为何选择退出娱乐圈？Cherie表示：“其实我份人危机感好重，做我哋呢行，忙起上嚟会冇得瞓，但得闲嘅时候就真系好得闲，感觉好唔踏实，成日处于好被动嘅状态咁，所以当时选择出去学多啲嘢去增值自己，得自己有两手准备。（点睇无线而家嘅走势？）当然啦，每一个时代都有新人出嚟嘅，而我最近都有睇电视，亦都有睇《声梦》，同友台嘅《全民造星》。而呢啲节目系可以令到好多新人涌现而加入娱乐圈，从而令到呢个行业可以百花齐放。”