恋讲嘢｜跨性别人士与直男同居被嫌弃　193：幻想唔到性关系画面

新一集《恋讲嘢》请嚟跨性别网红MC分享自己嘅情路，26岁嘅MC出场时被主持人郭嘉骏（193）、谭凯伦（Helen）、郑伊琪（浩南）和郭奕芯（Ashina）大赞“又健谈又几靓又可爱”，认为佢唔会因而有感情烦恼 ，不过当红MC话自己系男仔，真系有阴茎时，大家都唔系好信。

MC表示正式拍拖约5次左右，对象全部都系直男，193闻言后第一个反应系“幻想唔到如果有性关系时，大家格剑的画面，我系唔得，所以我会拒绝。”MC表示对上一段感情约维持一年半多，同对方系透过Facebook而认识:“第一次见面后三日后，佢就对方提议同居，我一开始觉得佢系比咗将来我，因为一嚟就话同居。”

问到对方系以咩心态同自己交往，MC就认为系“好奇心”，所以当好奇心变淡之后，对方开始表现得十分嫌弃。“半年之后已经唔一齐冲凉，到我冲完凉佢会叫我著返条底裤，唔好FING下FING下，觉得好呕心，瞓觉有时掂到只手佢都会即缩。性方面可能系佢睇住片，我去服侍佢。”MC之后续说:“佢有话想同女人发生关系，又叫我试下食药整大个胸，我有用push up bra，但佢又话太假、冇质感、冇温度。”MC表示曾经考虑过为对方变性，但始终行唔出呢一步。“我本身系享受男人身份，我惊手术同埋……我享受男人身份之余亦有有女人特质，但如果我变成女人，我定义又系咩?”