TVB阴谋论｜演技好唔系攞奖唯一条件　最紧要同高层够Friend？

年度盛事《万千星辉颁奖典礼2021》将于2022年1月2日举行，今年男女主角的争持十分激烈，单是男主角提名就有31个，女主角也有35个，其中大热分别有王浩信、马国明、郭俊安、李佳芯、惠英红、钟嘉欣。多年来TVB都有不少传闻，到底“续约换奖”系咪真？做“视帝”“视后”有乜条件？乐易玲今日（28/11）出席记者会时一一解答。

迷思一 　“续约换奖”系不成文规定？

TVB是否会有“续约换奖”？乐小姐接受《香港01》访问时以反问回应记者：“你话谂咗呢个问题好耐，我就会谂，黄子华唔系我哋架啦，我又记得惠英红攞奖，惠英红都唔系我哋（不是TVB艺员），我又记得郑嘉颖攞奖𠮶年都唔系我哋艺员，今年都有钟嘉欣。真心讲，喺我哋公司立场当然希望所有攞奖嘅艺员都可以同我哋做吓嘢，但系又唔一定，所以比赛都好公平嘅。”

迷思二 　点先做到视帝视后？

那么做视帝视后需要有什么条件？乐小姐回答：“第一，最紧要佢喺呢部剧入面做得好，第二系佢喺呢一年入面，除咗呢套剧，我觉得喺其他工作上面都系考虑因素，去到大家‘叮当马头’嘅时候，我就会兼顾考虑其他因素。”

迷思三 　“听话”先有奖攞？

乐小姐表示，因应时代不同，对艺员的要求也有改变。她说：“听话都有好多唔同嘅解释，你完全冇自己意见，听话就系一种听话，但系有自己要求，大家合作得好，又系一种听话。听话即系代表朋友，我觉得大家合作愉快系最紧要。”明晒，即系听话代表朋友，要畀奖当然系益朋友先啦。