Jer柳应廷失落“我最喜爱男歌手奖”投畀队友：要4个email先得呀

MIRROR成员Jer（柳应廷）及Tiger（邱傲然）今日（28日）出席《调教你Snooker—慈善桌球挑战赛》，对战香港桌球运动员傅家俊。平时有玩开桌球的两人表示今次“寓工作与娱乐”，但首次公开对战桌球，仲紧张过唱歌跳舞。Jer坦言：“我估到会紧张，但估唔到咁紧张。我哋头先都讲紧，死啦！好似紧张过平时我哋出啲商场跳舞骚咁。”Jer更笑言：“希望冇失礼头先，但都失咗礼㗎啦虽然。”

虽然赛前有特意约出来练习，但他们透露，私底下二人很少约出来打桌球：“冇理由返工见到你，放假又见到你㗎嘛。”Jer在比赛期间笑指Tiger唔入MIRROR就做桌球手，Tiger称已放弃梦想，又表示：“点够啲后生（斗）。”提到之后会表演甚么运动，Jer率先帮Tiger回答：“羽毛球、篮球、Tiger好似好劲㗎㖞！（Tiger：Golf啰！）老虎活士佢系。（Tiger：所以我叫Tiger啰！）Tiger Woods佢系。”

Jer未能入围商台《叱咤乐坛流行榜颁奖礼》“我最喜爱男歌手奖”五强，同队姜涛、Anson Lo（卢瀚霆）、Ian（陈卓贤）及Edan（吕爵安）则继续晋级，另外一位则是张敬轩。Jer称唔需要将奖项睇得太重：“我首先就恭喜𠮶4位先啦！我最喜爱男歌手呢啲奖项，唔系好重要㗎！唔系话唔重要，我系觉得，唔需要睇得呢个奖项太重。有当然开心啦，冇我咪当做一个bonus啰！因为我嘅目的系想用音乐启发人哋，歌手奖呢啲其实好其次。”

虽然Jer仍未投票，问会否投给自己友，他话一定会：“嚟紧要4个email先得呀！要4个account先可以投到4个呀！（睇好边个？）个个都睇好啦！每个都觉得系赢嘅。”

Jer柳应廷Tiger邱傲然打桌球赛　傅家俊“神助攻”近千人迫爆观战

点击睇更多桌球赛剪影：