朱晨丽一整年冇剧拍唔觉被冷待：都知道观众好挂住电视屏幕前嘅我
撰文： 叶诗
出版：更新：
朱晨丽周六（27日）出席慈善基金晚宴，提起日前见证陈炜被求婚，朱朱直言在医生陈国强求婚前5分钟她才把握事态：“原本纯粹以为去食个生日饭，加上佢哋惊我泄漏风声，所以将呢个秘密保守得非常好，发生前姐夫先讲我知，我已经制止佢即刻想喊，我一喊就会穿煲，做戏都冇咁做！我喊到朋友话好似我结婚咁，但我真系好戥佢开心，拍拖介绍畀我哋识𠮶阵已经觉得佢哋好登对，已经嗌佢姐夫。”朱朱表示已预定伴娘位置：“唔要我点得？（封定大利是？）礼物唔可以讲。”至于被不少网民催婚，她就表示随缘：“忙完工作先，缘份到就会有求婚个人出现，唔急嘅。”
对于有观众指已有近一年未能在电视屏幕看到朱朱演出之剧集，她回应指：“公司安排紧㗎喇，唔系系咪档期要让畀出面（指电影公司），所以中间就空咗一段时间，但其实我都有做公司其他嘢，公司唔系得剧、都有综艺，所以大家唔可以单睇一个部分。都知道观众好挂住电视屏幕前嘅我，如果啱期、公司又可以分配畀我就一定做。（有唔开心？）唔会！我都有做港姐、导师等唔同任务，都几满足，（收入有影响？）唔会啦，唔会啦。”
点击下图观看朱晨丽是日靓相：