专访｜杨绍鸿替罗兰感心痛挨夜出通告 斥电视台制度唔尊重绿叶
香港电台访谈节目《一起走过》由杨绍鸿与宝珮如（Baby）主持，第一辑的反应奇佳，今次绍鸿的拍档由江美仪换成Baby，继续于节目中请来不少重量级艺人作嘉宾，分享在娱乐圈中的趣事。
除了在节目与嘉宾倾诉往事，今次绍鸿和Baby也接受了《香港01》的专访，大谈娱乐圈中的绿叶生态，原来两人都非常替绿叶们不值。Baby说：“一个戏唔系剩系男女主角，侧边其实都好好睇，视乎制作人点畀绿叶戏份。我𠮶阵时第一个男朋友，佢其实都系演戏演咗十几廿年，丽的演到去亚视，但都从来冇人噏到佢个名，但佢哋好用心，佢哋睇好多戏，尽量去配合套戏，但始终佢哋点做得好都冇办法担当好正嘅位。一路一路佢哋都冇放弃，做到四十年都系咁做。”
Baby续说：“我而家出返嚟拍嘢，有啲演员我以前已经同佢哋合作过，但佢哋都冇放弃过，一样都系咁样去做，我欣赏呢班人，讲真做电视揾到几多钱？人工系好奀，搭车、食饭、服装都唔够，真系要做到Number one再做啲额外嘢。”
绍鸿也对现时后辈对绿叶的态度很不满意，不过他指出制度也是一个很大的问题，他说：“电视台制度令一啲制作人员唔识尊重绿叶，因为流水制作式根本冇时间，有时五日要拍一集，一定系就主角，绿叶一定企侧边，等深夜。我成日同罗兰姐讲，你唔好咁辛苦喇，深夜Booking唔好接喇，佢话唔得架，大家都好辛苦，咪就吓啰。我话就吓唔紧要呀，你唔细架喇八张几，有时见到啲Booking两三点先收工，朝早七点开工又冇车，如果古装要化妆，你谂吓佢要几点钟起身？唔系电视台唔尊重佢哋，系制度唔尊重。”
除了制度，上面讲到的人也是一个问题，他指：“有啲年轻人亦都唔识尊重前辈。我好希望，因为你哋都有做甘草嘅一日，除非你唔捞，到时你唔得到人尊重你会点？呢行可以百花齐放系靠大家合作。以前点解咁好？因为大家无分彼此，亚视无线都好有人情味，收工我哋都唔返屋企，包括周润发收工都会返嚟吹水。市场愈来愈窄，制作时间愈来愈短，人情味都减低咗。”
同场加映：TVB台庆2021｜54年以来十套最精品处境剧 口碑至强系边一套？