姚焯菲爸爸望囡囡学业为重　睇到实防男仔埋身：所以我哋咪跟到足

“国民初恋”姚焯菲（Chantel）因参加TVB选秀节目《声梦传奇》而人气急升，而Chantel的背景及家人亦备受关注，早前姚爸爸就被曝光，任职投资公司CFO的他年轻有型，更是高学历人士，实力过人。日前Chantel与爸爸获邀上由郑裕玲（Do姐）主持的电台节目《口水多过浪花》，首度受访的姚爸爸不但谈吐谦虚有礼，一把靓声更获网民大赞绝对不输专业DJ！

据知姚爸爸拥有纽卡斯尔大学文学士学位及卡迪夫商学院的工商管理硕士学位，现时担任投资公司首席财务官（CFO）及常务董事，同时是注册会计师，在行内好有名。遗传了爸爸优良基因的Chantel，人靓声甜，姚爸爸亦十分支持囡囡，当初更鼓励她报名参赛：“一开始系谂住畀佢攞啲经验啦，除咗读书之外，可以喺出面攞返啲工作经验，对佢嘅人生都会有好大嘅帮助。（点样发现佢钟意唱歌同唱得咁好呢？）都好巧合㗎，我平时揸车载佢返学放学，佢有时都会哼下歌，咁我就偷听到佢唱歌，觉得佢都几有Potential（潜质）。”

重温MV精彩画面：

由比赛面试到录制节目，再到出席活动、拍剧，虽然姚爸爸要返工，但他都坚持车出车入，睇实囡囡：“我自己本身份正职返朝九晚六，Chantel好多时放学去拍摄，我都尽量抽时间去接佢，妈咪都会帮手，尤其系女仔要换衫𠮶啲，妈咪就方便啲，我就负责接送喇，有时拍到好夜我都要喺出面等佢放工。（见到好多男仔钟意Chantel你有咩感受？）都惊㗎，担心㗎，所以我哋咪跟到足啰。”

现时已经加入乐坛的Chantel，在过去一年亦成长了不少：“我觉得条路清晰咗好多，可能比赛嘅时候唔知道下一步会点，但系而家就多咗好多机会，同埋会清晰咗，原来我原来已经有自己嘅歌喇，可能下一步就系宣传各样嘢，但系比赛嘅时候唔知道会唔会有宣传，唔知道会有咩Job，跟住就会好乱。（觉得自己系咪一个歌手？）未系好Professional（专业），但系都系半个啰我会形容。（你条路想点样行呢？）完成咗大学先，我知道会愈嚟愈忙嘅，因为而家中四已经忙，跟住中五会更加忙，但系希望自己handle到。”

而姚爸爸亦表示虽然十分支持囡囡，但就坚持Chantel要读完大学才可以考虑下一步：“其实我想佢两边都顾及到嘅，但学业为重，点都要完成咗大学先去谂做唔做歌手，我成日都强调一样嘢就系佢钟意唱歌唔等于佢钟意呢个职业，咁我想佢两边一齐行住先，去到个point佢再自己决定，但minimum（至少）系大学毕业。我都支持佢做歌手，但唔等于要放弃学业，最基本学业你一定要有，所以我成日都提点佢嘅，有时会吓下佢，如果到你有一日做咗歌手，但你身边啲歌手全部都大学毕业嘅，你自己又唔系嘅，你会点谂呢？”

Chantel要兼顾工作同学业，虽然过程辛苦，但她就利用工作空档努力温书，成绩反而比上年更好，而她对自己的未来亦好有规划：“其实我自己而家系enjoy嘅，但系成日都会谂将来嘅自己会唔会真系钟意做呢样嘢呢？尤其是功课升咗一级之后忙咗好多，大学嘅时候会惊两边开始manage（兼顾）唔到，冇咁多时间温书，呢个系我嘅concern（担心）。我觉得如果自己唔读晒全部嘅话会好left out（被排除在外），我要完成晒成个Process（过程）先真真正正出嚟做嘢。（大学想读乜？）我想读Business Management（商业管理），同爹哋𠮶啲差唔多。”Chantel果然叻女呀！