姜晧文减30磅变型佬　获提名金像奖：观众肯定最重要

第三十六届香港电影金像奖提名名单昨日出炉，有几多套港片、合拍片提名，网友并不关心，反而见到50岁的姜皓文（黑仔）入围“最佳男配角”提名，最令网友兴奋，有人话黑仔提名来得太迟，不过黑仔就表示时间啱啱好，他在电话接受《香港01》访问时说：“好多人打嚟恭喜我，但我真系唔知畀咩反应，开心呢样一定，来得太迟？唔觉，以前听好多前辈讲，到你𠮶阵就系你㗎喇，我信㗎，所以我冇谂太多，讲真，的士佬或者三五识七走埋嚟赞你做得好，仲开心过攞奖。”

黑仔86年参加亚视《电视先生选举》入行，拍过无数剧集，但最有人记得是他做的综艺节目，《开心主流派》、《历史也疯狂》，但最抢镜一定是《香港乱噏》扮长毛。和其他亚视艺员不同，黑仔并没有过档无线，他曾经在访问表示无线一直没有找他，他亦不是一个主动的人，他说：“TVB冇人揾过我，同埋当时我喺亚视个个月都爆骚，有人过咗去问我过唔过去？我话唔喇，你话年少无知，少不更事又好，我喺亚视系好开心，当然都有挨过啦，头一两年入去真系试过几个月无嘢捞，冇收入。”

离开亚视后黑仔加入电影圈，早几年多演恶人，《毒战》的黑哥，《证人》的劫匪，《逆战》的老大，戏份未算多，但抢镜。《激战》在戏中饰演张家辉的师兄，令观众明白黑仔不单止可以做恶人，还可以做更多有层次的角色，之后在《五个小孩的校长》饰演卢强，戏中当一位好爸爸，虽然未有获任何提名，但表现令人眼前一亮，黑仔感激遇过不少好导演，他说：“我要多谢晶哥，佢第一个揾我拍戏，揾我做反派，拍咗好多，我之前唔识佢㗎。跟住系杜sir，好记得《盲探》佢扮儍佬，由头做一次畀我睇，之后再叫我做，当然要多谢林超贤啦，佢系第一个导演攞个剧本嚟同我研究角色，成个心路历程系点。”

近年黑哥亦有不少女粉，全因减掉30磅脂肪，由肥佬变型佬，他说：“拍完《五个小孩的校长》我觉得自己好肥呀，我记得两年前嘅9月1日，我开始减肥，用咗成个月时间戒油戒盐再做gym，瘦返哂。之后我自拍一张畀君如，佢收到话呢个唔系黑仔，呢个系恭硕良嚟㗎？”上年《树大招风》戏中饰演大辉，当大奸角季正雄（林家栋饰）好友，姜晧文获得第23届香港电影评论学会大奖最佳男演员提名，亦获金届金像奖最佳男配角提名。不过黑仔最想有套代表作，他说：“对我嚟讲观众肯定最重要，有人可能因为睇张家辉、彭于晏入场睇《激战》，想睇古仔、千嬅所以睇《五个小孩的校长》，我好想有一日，有人因为我黑仔，因为想睇姜晧文而买飞入场，我谂呢样嘢每个演员都想，我唔知有冇呢日，但我会一路做一路等。”