假冒女团｜Anson Lo卢瀚霆获众女大赞电力够：我都想主动关心大家
撰文： 邝钰莹
出版：更新：
MIRROR成员Anson Lo（卢瀚霆）初登大银幕，电影《假冒女团》今午举行首映，逾二千神徒迫爆商场，身穿白色西装嘅教主与几位主角苏皓儿、陈紫萱、Alina （李炘颐）、Heidi（李静仪）出场时，获全场欢呼。
Anson Lo接受访问时，坦然心情十分紧张，毕竟是人生第一部电影作品，而他更为了首映特地换上新发型。“唔知大家睇完有咩反应，会觉得我好搞笑？定觉得我造型好丑？会有好多唔同嘅谂法。”
戏中Anson Lo 虽然假扮女仔，但Alina等人都表示有被教主“电”到。“次次一企佢旁边，就会唔记得啲舞步，因为挂住望佢。”之后众人又大赞Anson Lo很会照顾大家，每次拍摄不顺利时都会送上慰问，Anson Lo表示由于他们在戏中是一个组合，所以感情基础十分重要，关心是必须的。“虽然我真系太初哥，唔应该由我嚟做，但我都想主动关心大家。”提到由於戏中的女装扮相，令不少fans的另一半被迫也女性化，纷纷在讨论区吐苦水，Anson Lo笑言：“几得意，但都辛苦晒一众男士。如果真系要扮，入场睇啦，因为有好多仔细位，希望大家最紧要开心。”