李松蔓不忍爱犬受癌病折磨　为牠选择安乐死：下呢个决定相当痛苦

原名李天纵的李松蔓（Lena）今日（21/11）现身上环出席社区巡游表演起步仪式。提起家中饲养了18年的史纳沙爱犬“才才”前两个月不敌癌症离世，令她十分痛心，每日以泪洗面：“其实喺五年之前，经医生诊断证实生癌，但医生就话而家可以做手术，但会好危险，而且做咗都唔一定会好返，咁所以我选择唔做手术。但喺呢段日子我每朝都见到佢痛好辛苦，喺度哀鸣，见到我都好痛心。”

而Lena续指最后选择帮牠安乐死，要下这个决定相当痛苦：“其实呢个决定都谂咗5年，系希望佢唔好再咁痛苦，而呢个决定一早已经有心理准备，有一日都要去面对。（心情平伏未？）其实都冇乜心情，一直都心痛，而我每日都会谂起佢啲片段，有时发梦都会梦见到佢，咁所以连IG我都冇心情去Post任何嘢，唯有寄情工作，令自己唔再谂咁多嘢。”