台庆｜Patrick Sir因食烧卖拎唔到现金奖：老婆问我系咪去咗屙屎
撰文： 林迅景
出版：更新：
《万千星辉贺台庆》于昨晚（19日）举行，李芷睛独得38万大奖，也有艺员抽到“细奖”，但唯独是Patrick Sir（林溥来）就可能会有些失落，皆因昨晚他的名字曾被抽出，但因为未能及时出现在台上而失落奖项。
事后他接受《香港01》访问时，也大感可惜：“我突然收到几十个WhatsApp问我喺边！”他解释说：“因为我坐咗一阵间，我隔离𠮶位Heidi（朱凯婷）话口渴。我就好gentleman咁话：‘不如咁啦，我都想行吓。’我帮你去OK买支水啦。”
怎料到当他到了便利店买水，再食个烧卖时，电话就响了。他说：“我经理人打电话嚟：‘你去咗边呀？抽中你呀！’我话：‘咁我而家跑返嚟。’佢话：‘冇啦，畀咗人啦！仲要几万蚊。’咁冇啦，唯有收线。一收线就劲多WhatsApp叮叮叮叮！”
他笑说：“我老婆仲WhatsApp问我去咗边，去咗屙屎呀？我老婆WhatsApp讲：‘唔知点解抽奖𠮶刻我有预感系你，仲拎部电话出嚟。”记者问：“支水同烧卖几钱？”Patrick Sir笑言：“你唔好问我呀，我而家就入去问朱凯婷攞返。”
同场加映：台庆｜红地毡叶蒨文彭慧中身材超劲最性感 波波胀爆衫
+3
+3
👇即睇埋其他女星高清相👇
+25