东张西望｜林希灵质问霸楼女保安被封“大台清泉”：好心噏

《东张西望》最近报导聋哑人士美华单位，被女保安娟姐侵占一事引起全城关注，当中主持林希灵在节目中多次质问娟姐：“你咁样好无人性㖞！你又话好锡佢？”、“但你付出跟收获不成正比，你付出十多二十万，但层楼起码值二、三百万。”和“我唔系要惹嬲你，我系讲道理啫！”，令娟姐口哑哑，恼羞成怒。事后，林希灵被激赞是正义女神，更被网民称她为“大台清泉”。

现年32岁的林希灵的胞兄是东区裁判法院第二庭裁判官林希维，她在多伦多大学毕业后，在2012因参加无线网络电视“不得了人才招募”活动而入行，之后她被安排做儿童节目主持，直到2019加入《东张西望》担任外景主持。她加入《东张西望》表现都非常称职，曾访问“露械”伯伯和临危受命勇闯日本钻石公主号。

对于被封“大台清泉”，林希灵接受《香港01》访问时称：“今日收到好多网民鼓励，多谢大家支持！其实当时唔单止我好嬲，我地成队crew同啲邻居企喺度都好嬲，觉得好离谱。好记得美华邻居话：‘狮子山下唔应该系咁架’，所以我都唔理得咁多，一定要企出黎发声。”她更强调未曾想与娟姐对质：“事前冇谂过会同佢对质，但系见到保安欺人太甚，坚持要美华搬走，美华系聋哑人士，保安都不停闹佢，我觉得好心噏。因为之前都探过美华几次，佢对我哋都建立咗信任，其实当时都冇谂咁多，发声主要系想保护美华，唔想佢再俾人虾落去。”

点击睇更多林希灵发火过程：

东张西望丨天生聋哑美华遭“恶魔”赶出屋　八号风球露宿屋邨走廊

林希灵更讲到担任《东张西望》主持两年，有不少感触：“做东张主持每日都会接触到好多唔同嘅人同事。最深刻难忘嘅往往都系为弱势社群发声或者帮助佢哋嘅画面。好多网民都赞赏我哋正义，但系我相信我哋成组人最希望嘅就系引起社会关注，就好似今次美华嘅经历，希望多啲人会睇到，从多方面去帮助佢。（网民话希望TVB颁一个为正义发声主持人奖畀你。）好开心网民话要颁正义发声主持人奖比我，不过呢个奖除我觉得东张台前幕后每一个人都好值得拎。我哋成个东张都系好团结，次次都系目标一致，就算有时有少少危险，大家都唔会放弃，尽全力将事实报道俾大家睇。”

对于不少网民亦相当关心她与男友ViuTV艺人陈安立的感情，她就笑称：“感情方面我哋都好稳定好开心，佢呢排好忙拍紧七师傅，暂时未有时间结婚住，不过我哋都努力向住呢个目标前进紧。”对于二人的共同投资的美食品牌“口张开”，林希灵亦讲道：“‘口张开’虽然只系开咗一年，好多谢大家支持，生意额都唔错，超乎预期。我哋嚟紧一年嘅目标，除左做节庆食品外，都会想出一系列嘅全年食品，希望全年可以提供美食俾大家。”