虾头陪J.Arie接受陈志云专访　提起与邵子风旧情杨诗敏泪崩

陈志云主持的YouTube节目《Stephen．倾》，最近一集访问12月首次举行售票演唱会的J.Arie雷深如，好友杨诗敏（虾头）与张纹嘉一同分享感情事，当中虾头提及与邵子风一段情时更不禁落泪：“到某一个位觉得好似揽住一齐死，我自己情绪都唔太搞得掂所以觉得真系要分开。”

J.Arie入行多年圈中有不少知心好友，陈志云预先安排多名好友包括林德信、林家谦、强尼、小肥与MastaMic等录短片鼓励，令J.Arie边睇片段边感动到哭个不停。志云问及最惨痛的感情时，则轮到虾头开始眼湿湿：“我唔觉得自己系惨痛，每一段感情都奋不顾身全情投入，如果最伤真系刚刚呢段（邵子风？）系呀，因为呢段关系太复杂，两个人都系唔太识爱自己，唔太识爱人。佢又系我经理人又一齐创作，工作上有争吵，返到屋企又见到，好多嘢储埋解决唔到。同埋佢有躁郁症我情绪都好差，到某一个位觉得好似揽住一齐死，我自己情绪都唔太搞得掂所以觉得真系要分开。”

有人认为感情工作分开对大家都有好处，但原来虾头正正希望公私事一起处理：“两个人可以一齐进步好似伙伴咁系好完美，我学到嘅系自己仲未识点爱人，依家知系要先爱自己。我系𠮶啲为仔死为仔亡为仔唔知去咗边铺床嘅人，会无咗自己，我都系呢几年先揾返自己。本身系想过一世，但真系破裂得太紧要。依家状态系未准备好开展一段新感情，心态上仲觉得自己未够好，寄情喺工作上，其实唔系无人喺身边，系我唔想开展一段新恋情，唔系无人要呀。”