【独家．有片】《西游2》口碑差　爱将李尚正认同：望星爷出番嚟

周星驰套贺岁片《西游伏妖篇》口碑麻麻，但估唔到连星爷爱将李尚正都踩续篇不及上集好睇，更表示自己都冇入戏院欣赏：“我喺新年期间就……有兴趣睇下第二啲！”看来星爷真要检讨下，不要再令粉丝失望。

李尚正拍过很多星爷的电影，在《西游降魔篇》饰演沙僧、《美人鱼》中演警察、《长江七号》演曹主任，在今集《西游2》则声演猪八戒，可以说是周星驰的长期战友。不过《西游伏妖篇》口碑差，就连李尚正都顶唔顺，问他觉得套戏好唔好睇，他婉转地答：“我觉得系可堪回味啰！不过我喺新年期间就……都有兴趣睇下第二啲！”他又将两集比较：“我钟意第一集多啲！因为我有份拍；如果有大家熟悉嘅演员呢，除咗吴亦凡啦，我觉得会更加好，不过而家就……”犹疑一秒后继续讲：“都好嘅！”然后尴尬傻笑。

问到观众都希望星爷再演戏，李尚正都有同感：“其实好多人有当面同佢讲，但系我谂好难，第一如果佢自己做，佢对个要求会高到一个地步系大家唔使收工，佢以前冇咁着紧，佢而家系在意觉得自己如果达唔到自己要求，佢直情系唔开心……全世界都唔知有乜分别，佢自己知咁就惨嘞！”他又为星爷补充：“站在佢立场究竟值唔值得嘥咁多精神时间，不如将功力摆喺监制、导演度更加有效。不过我衷心希望星爷自己出番嚟做。”他又建议星爷复出可考虑演大奸大恶，奸到出汁就最好。

电影口碑差，李尚正说相信星爷会检讨：“佢会考虑边一方面出咗问题，佢下次会改，我深信。”希望星爷明白观众心意啦！