梅艳芳接受黄沾访问影片被翻出　爆有段感情令自己之后心理不平衡

电影《梅艳芳》近来上映，讲述已故天后梅艳芳的一生，当中一样令人关注的是她的感情事，天后始终在爱情路上未能开花结果，而在她离世后，无线曾在节目《无线大宝藏》，制作一段关于她的纪念特辑，当中节录了一段她于1994年的节目《花弗新世界》接受叶玉卿和黄沾访问时，被“大逼供”的片段，大谈感情经历。

梅姐先讲到觉得感情生活多姿多彩是一件苦事，“拍拖拍得多唔代表系好，我觉得我系辛苦，有个稳定嘅感情先系幸福㗎嘛，而家我系寻寻觅觅，根本系一种好辛苦嘅经历。”虽然有过几段情，但梅姐被问到对爱情的看法时，直言自己是在乎天长地久，并不是“曾经拥有”的那种人，“问题就系每一次我都好开心好投入𠮶段感情嘅时候，我又唔想隐瞒，因为喺个样度我系隐瞒唔到，我拍拖嘅时间，你会见到我个样好开心，我成日都会笑，啲人就知道我拍拖㗎喇，啲记者朋友估吓估吓，氹唔够我三句，我就话‘唔好问啦’，佢哋就知㗎喇。”但却反而令男方感到大压力。

梅姐讲到有一个男朋友是学生，对娱乐圈，甚至是对梅姐的艺人身份不认识，认识后才听她的歌，第一年相处得很开心，“但后来好多外面嘅压力，佢系读书仔啊，点样养起我哋啊，一个月嘅花费咁大，渐渐个磨擦愈嚟愈多。”起初他们觉得不应该听外间的声音，但慢慢面对现实和将来，最后也是分手收场。

言谈间感受到梅姐是个对感情极认真的人，无奈有时跟某些男友人只要一同出现，就会传绯闻，所以即使有人想追她，可能也会被吓怕，“都惊啦！突然间，个个星期封面都唔同嘅男朋友，可想而知呢个女人好极都有限，但我好多时真系畀人屈多，我根本连隔离𠮶个人姓乜我都唔知。”真性情又率直的梅姐直言30岁前觉得婚姻在她人生中是重要的元素，很想找一个伴，组织一个四口之家，但接受访问时约31岁的她说︰“我而家觉得好渺茫，我唔会再寻求身边另一半，我唔会好渴望，因为我觉得每一次我渴望返嚟都系得个零，你会觉得𠮶样嘢根本唔会再存有幻想，而家就觉得如果有个朋友嘅话我会觉得好开心，但系冇嘅话，我唔会觉得好upset，因为我觉得我已经习惯咗。”

再讲到这个看法背后的原因，原来是因为梅姐21岁时的一段感情经历令她“心理不平衡”，是一个很大的打击，“𠮶次打击之后，我发誓我已经唔再相信男人，你嚟追我OK，但我唔会放一个好专心嘅感情落去畀某一个人，因为我觉得我唔再相信人，到几年后我先平衡返少少。（沾叔︰讲唔讲得廿岁𠮶时𠮶个？）𠮶段系异国情嚟嘅，喺外国发生。（沾叔︰好似圈中人嚟？）可以咁讲。人名就唔好讲啦，总之就唔系香港人啦，但都系喺香港开始，但系就延续到去第二度。（沾叔︰𠮶个人好值得钟意嘅？）咁当然好值得钟意先会咁啦，但后期演变成三角（恋）啰。（叶玉卿︰佢有第三者？）可能𠮶个系比我之前𠻹，佢嘅所谓第三者可能系我，但我唔知！发生咗呢段感情之后，原来后期佢都一路隐瞒，冇公开，有一次偶然机会之下，畀我知道咗成件事，我又唔想去踢爆，我好难面对𠮶下嘅感受。”

据知，梅姐和近藤真彦有过一段地下情，他们在1984年认识，当年梅姐就正正是缘21岁，她于一场酒会上结识来香港开演唱会的日本男神近藤真彦，直到隔年相遇，对方还认得她，擦出爱火后，男方追求她，但有传当时近藤真彦身边早有女友中森明菜。

点击下图重温梅姐与近藤真彦在台上合唱的珍贵一幕︰

睇睇电影《梅艳芳》的精彩画面︰