谢嘉怡爸爸做埋保母跟出跟入无支薪：佢嘅人工就系可以陪我！

谢嘉怡（Lisa）今日（16/11）现身马鞍山出席人气动漫《ONE PIECE海贼王》MOST-SWEET Seacation 圣诞启航”主题活动。提到爸爸经常陪伴在侧，有如贴身保镖一样。Lisa笑言：“我唔返TVB𠮶几日，佢会陪住我，因为佢差唔多又要返英国，所以我放工又或者有时间，佢都想陪埋我。喺呢个半月佢返咗嚟，其实我都好少陪到佢。”

被问到爸爸做埋助手跟出跟入，有否薪金？Lisa笑言：“冇呀！佢嘅人工就系可以陪我，相信佢系够嘅，因为佢开心。（有冇问爸爸攞零用钱？）如果我有需要嘅时候佢会畀我嘅，不过我好少会去使钱。（出粮有冇畀钱爸爸做家用？）冇呀！因为佢想我储钱，想我喺呢段时间储钱。（储钱买楼？）未知，因为香港啲楼好贵，反而英国啲楼又平又大，咁所以我都未知会唔会系香港买楼。”