陈敏之大爆入行辛酸 被某些人闹戏屎︰每个身体部位都话过你唔好
撰文： 李婉文
出版：更新：
艺人陈敏之近来邀请王君馨上她的YouTube频道节目《Chi Chat》做嘉宾，出道14年的君馨大谈当年初入行时的辛酸，事业由高峰跌落谷底，“原来呢一行啲人对你嘅意见系可以一日之内就改变晒！”
敏之和君馨讲到自己人生最低落的一刻，君馨指是刚入行不久的时候，“我谂系《香港小姐》去到《舞动奇迹》，系一个好高峰，尤其是一个新嘅artist，第一个饮食节目系《日日有食神》，跟住好多好负面嘅声音，啲人又乜都批评，乜都赞，跟住就乜都批评，咁你就会觉得原来呢一行啲人对你嘅意见系可以一日之内就改变晒！我都系好感恩，我系早啲跌，我系喺我嘅career最头𠮶一年就已经跌得最低谷，同埋之后所有嘢都会珍惜。”
而敏之亦有讲到虽然自己现在看起来很乐观，但其实是因为她以前经历过，“我发觉系真系好容易有抑郁，系极容易，你唔好睇我乐观，但问题系你承受过，我都承受过，我拍咩剧都闹，话我啲戏屎啊！唔好啊！讲嘢唔好啊！总之我唔知啊，每一个身体部位都话过你唔好，甚至乎话埋你屋企人，都一定有啦，我会觉得你哋其实写落去，或者你哋去留一个言，你可以令我哋有好多大个鼓舞，亦都可以令我哋跌落人生谷底。”
君馨是跳得之人，但原来也曾被串，她上跳舞班时，被旁边的女生反白眼的说︰“哗，呢个系王君馨啊？！”敏之不明白这个眼神是代表什么，君馨说︰“我唔知啊，但系如果我喺纽约，我咪即刻串返佢啰！但系唔得㗎，我哋𠮶时系香港小姐，我唔可以好真性情咁去对返其他人㗎嘛，所以我系停咗一轮（上堂）嘅。”她续说︰“我会觉得原来我去上堂，人哋觉得‘哗，呢个artist跳成咁嘅，唔该你企后面啦’，我feel到啰，可能佢唔系呢个意思。”
点击下图睇君馨和敏之嘅靓相︰
+41
+39