Mark嫂梁家玉话意粉有碱水味　杜汶泽笑：佢喺边度买啲意粉？

杜汶泽为5月开台的奇妙电视主持头炮节目《杜汶泽食住上》，今日在有线电视录影厂举行开镜礼。很久没做电视节目的阿泽将会同老婆田蕊妮打对台，另外昨日雷颂德太太梁家玉在一个烹饪影片煮意粉时将意粉过冷河，惹起网友嘲笑及讨论，阿泽都忍唔住笑言：“唔知佢喺边度买啲意粉。”

杜汶泽一向喜欢下厨，说了几年要做烹饪节目的他终如愿以偿，为免费电视台奇妙电视打头炮教煮𩠌，今日于记招中播放几位好友预先拍摄的片段，郑中基搞笑说：“食好西一定揾杜汶泽。”身穿low cut裙的薛凯琪则爆他怪习惯：“佢好变态，佢煎牛扒剩系着住条裤唔着衫，着住条围裙。”阿泽则即场拿她的身材开玩笑问记者：“你识唔识分（薛凯琪）前面定后面？”

睇完片，阿泽拿出他向香港刀王陈华购买的利刀拍照，更声称是世界上最利的刀。而两位女主持卢颂恩及邝芷凡则要喂阿泽食朱古力捞面和腩汁麦乐鸡炒菜芯，阿泽食完两种古怪食物都露出痛苦表情，但赞朱古力捞面：“几好食！”不过因为自己是某快餐店代言人，对麦乐鸡菜式则不方便给食评。

阿泽多年没做电视节目，今次似乎要跟老婆打对台，他则表示：“唔关事嘅！香港政府发咁多个牌都系想多啲选择啫！同埋我综合组佢拍剧，我又唔会帮其他电视台拍戏，我拍戏我主要拍电影。”而今次拍《杜汶泽食住上》则做足准备，甚至同谢霆锋研究过技巧：“我哋两个有研究过煮嘢食，佢系精致好多，我系屋企𩠌啰！佢真系五星级餐厅咁，讲劲梗系佢劲！”不过阿泽都未试过谢霆锋手势，只系睇过相片。

昨日雷颂德太太Jade在一个煮食环节中称煮意粉之前要过冷河，被网友取笑：“佢煮意粉定转工呀？过冷河……”有网友甚至拉埋雷颂德落水：“点解佢唔好好学下佢老公抄歌咁？抄下人地点煮先出嚟扮嘢嘛~haha”真系躺着也中枪，杜汶泽虽然没有看过该片段，但表示：“事实我又冇听过煮意粉要过冷河嘅！咁不过又唔知佢喺边度买嘅啫！你知每个厨师佢买嘢来源有唔同系咪？我自己就冇试过，或者佢买𠮶啲真系有碱水味呢！”